Erreproduzitu bideoa
dokumentala
Espainiako Polizia Euskal Herrian: Iparreko sindromea
2014-03-12

1980ko hamarkadako ETAren ekintza armatuen erauntsiak eta gizartean errotutako “Alde hemendik!” leloak, Espainiako polizientzat presio eltze bilakatu zuten Hego Euskal Herria. Giro oldarkor horren baitan sortu zen iparreko sindromea. ETAren jardunari beldurra eta estresa, kuartel barruko erregimen militar zorrotza eta bazterketa soziala izan ziren gaitz honen osagaiak. Polizia eta haien senide askok Euskal Herritik kanpora leku-aldaketa eskatzea eragin zuen presio horrek. Tratamendu psikologikoa jaso behar izan zutenak ez ziren gutxi izan eta bakan batzuek suizidioaren hesia gainditu zuten. 1986an polizien begietan Hego Euskal Herriko giroa nolakoa zen azaltzen da TV3eko 30 minuts saioaren lan honetan.

[1986, 20 min]
Egileak: Frances Reles, Guillem Roig eta Ramon Vallès
Euskarazko azpitituluak: Axier Lopez