argazki-galeria
Gernika bat Bolivian
2007-01-24
Picasso hila zegoen 2003ko urrian. Baina herri xehea are gehiago xehatzen segitzen zuten tankeek eta helikopteroek. Ez ziren alemanak, are gutxiago gorriak, Gonzalo Sanchez De Lozada “Goni” Boliviako presidenteak bidalitakoak ziren. Eta ez zituen bidali txiletarren aurka, are gutxiago perutarren aurka. Presidentea bere herriaren aurka ari zen gerran. Herritarrek ez baitzuten nahi beraien gasa kanpora saltzerik. El Alto osoa zutitu zen militarren aurrean, baina hirurogei lurrean etzanda gelditu ziren, hilotz. Geroztik, lurpean bizi dira, gasa babesten, Picassoren ondoan.
Egilea(k):
Amets Arzallus Amets Arzallus