Argia Sariak 2012ko ekitaldia

Saridunak

Sei sari banatu ditu ARGIA astekariak Usurbilgo Atxega Jauregia jatetxean bazkal ostean burututako ARGIA Sarien banaketa ekitaldian. Ohi bezala, ARGIAk euskarazko komunikazioan nabarmendu diren talde, enpresa, profesional edo produktuei eskaini dizkie sari hauek.

ARGIA SARIEN XXIII. edizio honetan hauek izan dira sarituak:

Karlos Zurutuzak irabazi du PRENTSA IDATZIKO ARGIA SARIA, Berria egunkarian egindako Libiako gerrako kronikengatik. Kronika horien kalitateaz gain, muturreko egoerak bizi dituzten lekuetatik informatzeko kazetariak hartutako konpromisoa azpimarratu nahi izan da (Zurutuzak lehenago ere soberan erakutsi zuen konpromisoa, bidenabar, besteak beste ARGIAn bertan Irak edo Afganistani buruz idatzitako artikuluetan).

Euskal Irratietan Luzien Etxezaharretak eta Jakes Casaubonek gidatutako “Gure bazterrak” saioak irabazi du aurtengo IRRATIKO ARGIA SARIA. Baloratu diren ezaugarri ugarien artean, programaren hurbiltasuna nabarmentzekoa da (saioak bisitatzen dituzten herrian bertan grabatzen dituzte), baita elkarrizketen tonua ere, presarik eta zaratarik gabea, irratigintzaren beste dimentsio bat erakusten duena.

Klikmetroak.com kanpainari eman diogu PUBLIZITATEKO ARGIA SARIA. Asko baloratu da Internet erabiliz Kilometroak jaiaren hasierako espiritua berreskuratu eta berritzeko egindako ahalegina, baita jendearen parte-hartzea ere, euskararen normalizaziorako jende askoren konpromiso txikiak beharko dituelako (izan lana eginez hartutako konpromisoa, ala ekonomikoki lagunduz), eta alde horretatik emaitza ona eman duen egitasmoa izan da.

EiTB Nahieran webguneak irabazi du INTERNETEKO ARGIA SARIA, gaur egungo teknologiak eta ohiko telebista uztartzeko egindako ahaleginagatik, ikus-entzuleari aukeratzeko bide gehiago eskaintzeagatik eta benetako zerbitzu publikoa emateagatik, EITB eta telebista publikoen kontzeptua bera ezbaian dauden testuinguru honetan.

Kanaldude Herri Telebistak jaso du aurtengo TELEBISTAKO ARGIA SARIA, komunikazio proiektu bezala eredugarria delako: herritarrek egindako telebista da Kanaldude eta herritarrak ditu protagonista. Kate nagusien eredutik oso bestelakoa da edukietan eta formetan; baliabide ekonomiko gutxirekin baina printzipio argiekin egina, eta guztia euskaraz (Ipar Euskal Herriko euskarazko telebista bakarra da).

Jose Luis Alvarez Enparantza, Txillardegi omentzea erabakita geneukan aurtengo Argia Sarietan, ibilbide oso bat saritzen duen MEREZIMENDUZKO ARGIA SARIArekin. Tamalez, Argia Sarien ekitaldia baino lehen hil zen Txillardegi. ARGIA SARIArekin urte hauetan guztietan komunikazio proiektu honi eman dion sostengua eskertzearekin batera, merezi duen aitortza eman nahi izan diogu azken mendeko Euskal Herriaren historia eta euskal kulturarena ulertzeko ezinbestekoa den pertsonari.

 

Egilea: Axier Lopez

Data: 2012-01-27

 

Egin klik eskuineko botoiarekin eta sakatu 'Gorde lotura honela' saioa deskargatzeko
Facebook  Twitter  Delicious  Digg 
Embed kodea:

Babeslea

Bizkaiko Foru Aldundiko web gunera lotura

Multimedia Bilaketa

Elkarrizketak Erreportajeak Diaporamak
Ekitaldiak Film laburrak Dokumentalak
Beranduegi Bereziak Solasaldiak
Galeriak Damutuko zaizu(t)e Guztiak

irudia Beranduegi (92. saioa)

92. saioaren edukiak ondorengoak dituzue:

 - Beranduegi datorren albistegia
Gorka...

irudia Pornoa VS egiazko sexua

Noizbait film pornorik ikusi baduzu, eta inoiz larrutan egin izan baduzu, oso ondo jakingo...

irudia Beranduegi (83. saioa)

83. saioaren edukiak ondorengoak dituzue:

 - Beranduegi datorren albistegia
Gorka...

irudia Hormetako mintzaira

80ko hamarkada amaieran Gasteizen lehen graffitiak egiten hasi zirenetik, Euskal Herriko...

irudia Xilaba - Odei Barroso eta Maddi Sarasua finalaren atarian

Datorren larunbatean jokatuko da III. Xiberua, Lapurdi eta Baxenabarreko (Xilaba)...

Lizentzia

Multimedia kanalean dauden ARGIAk sortutako edukiak Creative Commons lizentziapean daude. Lan hauek kopiatu, banatu, lan eratorriak sortu eta jendaurrean heda ditzakezu, beti ere lanaren egiletza aitortzen baduzu.


Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


AmetzagaiƱa Argia Antza iametza Adur Luditoys