Web Telebistak > Beranduegi TB
Beranduegi (68. saioa)
2012-10-16
Partekatu Facebook-en - edo - Partekatu Twitter-en Eskuratu txertatzeko kodea
Beranduegi (68. saioa)

68. saioaren edukiak ondorengoak dituzue:

 - Beranduegi datorren albistegia
Gorka Bereziartua eta Unai Brea kazetariek, astero bezala, ironiaz betetako begiratu zorrotza egin diote azken egunetako aktualitateari.

  - #hautesporra
Hauteskundetako porra antolatu dugu twitter bidez. Eusko Legebiltzarraren osaketa berria asmatu beharko duzue. Adibidez UPyD 39, PP 26, Equo 5, EHBildu 4 eta EAJ 1. #hautesporra etiketa erabiltzea besterik ez duzue parte hartzeko. Ahhh! eta Beranduegiren jarraitzaile izan, noski. Urriaren 23an jakinaraziko dugu irabazlea zein den.
Saria: bi lagunentzako otordua A Fuego Negro Donostiako jatetxe berezian.

  - Urkullu eta Mintegi aurrez aurre
Araba, Gipuzkoa eta Bizkaiko herritarren bozek aginduko dute datorren igandetik aurrera Eusko Jaurlaritza berriaren osaketa zein izango den. Inkesta guztien arabera EAJ eta EHBilduren hautagaiak dira lehendakaritzara heltzeko aukera duten bakarrak. Kanpaina honetan Laura Mintegi eta Iñigo Urkulluren arteko aurrez-aurrekorik ikusiko ez dugunez, bi lehendakarigaiei Argiarako egin dizkiegun elkarrizketen zati nagusiak hautatu eta parez-pare jarri ditugu.

 - Laburrean: Itxaro Borda
Itxaro Bordak Amaia Ezpeldoi detektibe lesbiana ezagunaren azken abentura kaleratu berri du, Boga Boga eleberria. Bakean utzi arte, Bizi nizano munduan, Amorezko pena baño eta Jalgi hadi plazara lanen ostean, Baionara eta Lapurdiko kostara garamatza ikertzaileak.

Elkarrizketa hau aldizkariaren 2333 zenbakian irakurgai izango da.

 - Badagara
Badagara leloa jarri diote aurtengo Bizkaiko Bertsolari Txapelketari. Hil honen hasieran Berriatuan abiatu zen eta Bilboko Miribillan izango du amaiera, abenduaren 15eko finalarekin.Audience musika talde gernikarrak txapelketaren sintonia egin du eta berritasun modura, abestiari irudiak ere gehitu dizkiote bideoklip honen bitartez.

Egilea(k):
Axier Lopez
Erlazionatutako bideoak
Beranduegi TB gehiago