Web Telebistak > Beranduegi TB
Beranduegi (67. saioa)
2012-10-09
Beranduegi (67. saioa)

67. saioaren edukiak ondorengoak dituzue:

 - Beranduegi datorren albistegia
Gorka Bereziartua eta Unai Brea kazetariek, astero bezala, ironiaz betetako begiratu zorrotza egin diote azken egunetako aktualitateari.

  - #hautesporra
Hauteskundetako porra antolatu dugu twitter bidez. Eusko Legebiltzarraren osaketa berria asmatu beharko duzue. Adibidez UPyD 39, PP 26, Equo 5, EHBildu 4 eta EAJ 1. #hautesporra etiketa erabiltzea besterik ez duzue parte hartzeko. Ahhh! eta Beranduegiren jarraitzaile izan, noski. Urriaren 23an jakinaraziko dugu irabazlea zein den.
Saria: bi lagunentzako otordua A Fuego Negro Donostiako jatetxe berezian.

  - Ziztadak
Desobedientzia zibila edota indarkeria-eza aktiboaren inguruko eztabaida sustatzeko asmoz etorri da Ziztadak dokumentala. Marthin Luther King eskubide zibilen aldeko aktibistaren hitzetan du jatorria, Bidea Helburu elkarteak egindako film honen izenak. Lanak gure herrian oso ezagunak izan diren gertakari, borroka eta pentsamolde sorta anitzak bildu ditu.

 - Laburrean: Oskar Alegria
Man Ray artista dadaistak Emak Bakia 16 minutuko zinepoema egin zuen 1926an, lan esperimental eta berritzailea. Miarritze inguruko etxe batean errodatu zuen, diotenez Emak Bakia izeneko etxe batean. Arrasto horren atzetik abiatu da Oskar Alegria iruindarra.

Elkarrizketa hau aldizkariaren 2332 zenbakian irakurgai izango da.

 - Nafarroako deskonkista
Bideo berezi baten bitartez Baxenafarroatik gonbitea luzatzen digute heldu den 14an, igandearekin, Donapaleura joateko. Espainiar armadari aurre egiteko asmoz milaka bolondresez osaturiko oldea Iruñeara abiatu zela 500 urte betetzen direlarik, Nafarroako deskonkista ospatuko dute... festa eta umore onean

Egilea(k):
Axier Lopez Axier Lopez
Erlazionatutako bideoak
Beranduegi TB gehiago