kronologia

1961

• ETAk lehen sabotaje-ekintza garrantzizkoa egin zuen: Madriletik Donostiara jaialdi bat ospatzera zihoazen frankisten trena burdinbidetik ateratzen saiatu ziren. Egun berean Espainiako banderak erre zituzten Donostiako kaleetan.
• ETAko zazpi kideren kontrako lehen gerra-kontseilua.
• Bernardo eta Mariano Estornes Lasa anaiek Auñamendi argitaletxea sortu zuten Donostian eta Antonio Zabalak Auspoa euskal herri-literaturan eta bereziki bertsolaritzan berezitutako argitaletxea, Tolosan. Bertso zahar nahiz berriak bildu eta aztertuz ehundaka liburukiz osaturiko bilduma osatu du.
• Francisco Escuderok Donostiako Udal-kontserbatorioko konposizio eta harmonia katedra lortu zuen eta bertako zuzendari izendatu zuten.
• Euskal Herriko Txistularien Elkarteak Luis Urteaga Sariketa sortu zuen. Bertan esku hartu zuten 54 sorkuntza lanetatik, Algortako Antolin Mendizabal txistulariaren zortzikoa hobetsi zen. Bigarren saria Bonifazio Laskurainek jaso zuen.
• Jon Azpillagak Bizkaiko Txapelketa irabazi zuen.
• Jose Antonio Arkotxa antzerkigileak "Arrain saltzaileak" irratirako gidoia idatzi zuen.

• 1943tik isilik egon ostean, Baionako euskal museoak Bulletin du Musée Basque aldizkaria argitaratzeari ekin zion berriro.

• Koldo Mitxelenak bere tesian oinarrituriko "Fonética Histórica Vasca" obra argitaratu zuen. Plazaratu ziren, gainera:
  - Agustin Anabitarteren "Aprika-ko basamortuan" bidai kronika.
  - Dionisio Olanoren "Estudios sobre el euskera hablado".
  - Martin Ugalderen "Iltzalleak" ipuin-liburua.
  - Luis Villasanteren "Historia de la Literatura Vasca".
  
• Espainiako Eliza Katolikoak Loiola Herri Irratia sortu zuen.
• Dionisio Blanco, Irene Laffitte eta Jose Luis Zumeta pintoreek lehen bakarkako erakusketa eskaini zuten.
• Hil ziren:
  - Nikolas Ormaetxea Orixe idazlea.
  - Anjel Larroke pintore bilbotarra. Bilboko Arte Ederretako irakaslea izan zen eta batik bat erretratuak, eszenak eta herriko jendeak pintatu zituen.
  
  - Jean Etxepare Landerretxe idazle behenafarra, "Etxepare gaztea" izengoitiaz ere ezaguna.
  - Jesus Guridi musikaria.