Gizartea > Generoa > Matxismoa

Kanal guztiak
  x Itxi
Aquarius ontzia
Ekonomia
English
Euskal Herria
Euskara
Gizartea
Historia
Ingurumena
Iritzia
Komunikazioa
Kultura
Nazioartea
Politika
Zientzia
2018-06-18 | ARGIA

Euskal Herriko 500 emakumek baino gehiagok sinatu dute Irungo Alarde parekidearen aldeko idatzia. “Gure inguruko jaietako ospakizun gehienak garai berrietara egokitzen joan dira arian-arian, baina gaur egunean Irunen, eta ustezko normaltasun batean, bi alarde ospatzen dira oraindik ere”.

Matxismoa kanaleko multimediak
Eduki homofobo eta matxistak Osakidetzako oposizioetan

Gehitu elkarteak salatu du eduki LGTBIfobiko eta matxistak dituen liburu bat dagoela Osakidetzak bere Enplegu Publikorako Eskaintzan proposatu duen bibliografian. Bertan adierazten da, adibidez, homosexualitatea ez dela zerbait aldaezina, erasoak jasan ditzakeen emakumeak jakin behar duela “bere gorputzaren bidez zein mezu helarazten dion bikotekideari”, edota “itxura fisikoarekiko kezka” dela “emakumeen ahulguneetako bat”.


2018-06-13 | ARGIA
"Mediku on eta euskaldunak gara!"

Aurten ere, ozen mintzatu dira ikasleak EHUko Medikuntzako graduazio ekitaldian. Euskarazko ikasketak aldarrikatzeaz gain, praktiketan ikasleek maiz jasotzen duten tratu txarra eta emakumeek jasan behar izaten duten matxismoa salatu dute (bideoa albiste bukaeran).


Bikotea bi hilabetez giltzapetuta eduki duen Irungo gizona aske utzi dute epaileek

Igande gauean etxetik alde egitea lortu ostean, emakume batek Irunen salatu zuen bikotekideak ez ziola bakarrik kalera ateratzen uzten. Irainak eta erasoak ohikoak zirela ere salatu zuen.


2018-06-13 | ARGIA
Bost urteko kartzela zigorra irakasle bati Gasteizen, ikasleen aurkako sexu abusuengatik eta lankide bat jazartzeagatik

Gasteizko nekazaritza eskola batean gertatu dira erasoak, eta irakasle bezala ezgaitua dagoen gizonezkoari kartzela zigorra ezarri dio Arabako Auzitegiak.


2018-06-11 | ARGIA
Nafarroako Auzitegiak Sanferminetako bortxaketagatik auzipetutakoak aske uztea aztertuko du astelehenean

‘La Manada’ kasuko auzipetuak aske uzteko eskatu du hauen defentsak, eta eskaria aztertzeko agerraldia egingo du Auzitegiak.


2018-06-11 | Nahia Ibarzabal
Lasarte-Orian gizonezko bat atxilotu dute biolentzia matxistagatik

Igande goizaldean izan da atxiloketa, bere emaztea eskaileretatik behera bota izana leporatu diote 41 urteko gizonezkoari.

Gertaera, igande goizaldeko 5:30ean Lasarte-Oriako taberna baten hasi da. Lekuko batzuk adierazi dutenez, gizonezkoak behin eta berriz egin dio bultza emakumezkoari. Hau ikusita, tabernariak kanporatu egin du gizona eta Ertzaintzari deitu.

“Bikotea berriz eztabaidan hasi eta gizonak bere emaztea eskailera batzuetatik bota du” lekukoek adierazi dute.

Gizonezkoa... [+]


Bost haurretatik bat, sexu-indarkeriaren biktima

Haurren kontrako indarkeriaren gotorlekua familia nuklearra dela, gaiaren inguruan isiltasuna eta beldurra direla nagusi, haurrari ez zaiola sinesten, epaitegietara iristea lortzen duten kasu gehienak artxibatzen direla… eta hori guztia gizarteratzea premiazkoa dela dio “Haurren kontrako indarkeriarik ez!” plataformak. Eman duten datua beldurgarria da: salaketak aintzat harturik, 13 urtetik beherako lau nesketatik batek eta zazpi mutiletatik batek sexu-abusuak jasan ditu... [+]


2018-06-06 | Nahia Ibarzabal
Sanferminetako bortxaketaren sententziak justiziarekiko mesfidantza areagotu du Espainiako Estatuan

Espainiako biztanleen artean, Justiziarekiko mesfidantza inoizko altuena izan da maiatzean. Apirilean %2,9arentzat kezka-iturri izatetik, maiatzean %6,8arentzat izatera igaro da. Honen eragile nagusia, sanferminetako talde-bortxaketaren sententzia izan da CISek dioenaren arabera.


Sexu-eraso salaketa Ibilaldian

Atsekabe handiz jaso dugu iragan maiatzaren 27an Santurtzin sexu eraso baten salaketa izan denaren berria. Ibilaldia igaro eta astebete geroago horrelako berri bat jasotzeak atsekabea eta asaldura eragin digu, egun handia izan zelako Bihotz Gaztea ikastolarentzat eta, oro har, ikastola guztiontzat, eta dena primeran joan zenaren ustea genuelako.