Sagardoagatik ezaguna den Gipuzkoako herriak Astigarraga, Arano, Elduain, Errenteria, Lasarte-Oria eta Urnieta ditu mugakide, eta Urumea ibaiak zeharkatzen du. Santa Barbara mendiaren magalean dago hirigunea. Inguruko beste zenbait menditan, Akola, Igorin, Urdaburu eta Oindi-n historiaurreko aztarna daude.
Monumentu nagusien artean daude hirigune historikoa, San Joan batailatzailearen eliza, Udaletxea, San Agustin Komentua eta Kale Nagusian dagoen Dorretxea esaterako.
Herriko festarik ezagunenak San Joan jaiak dira, ekainaren 23tik 26ra bitartean ospatzen direnak.
Hernaniar ezagunak dira besteak beste Agustin Kardaberaz eta Gabriel Zelaia idazleak, Txirrita eta Maialen Lujanbio bertsolariak, eta Martin Zabaleta (Everestera heldu zen lehen euskalduna).
Muniskue-gaina gune megalitikoa
Zoragararria da Onddi magaleko toki hau. Besabi jatetxetik 30 minututan zaude bertan, dena ordekan, haurrekin egiteko oso egokia. Denboran atzera egiteko parada ematen du. Bistak izugarriak dira (Adarra pare-parean) eta kriston pakea dago. Merezi du.
2
2 
0 
Axeri Dantza
San Joanetan ekainaren 25, 26 eta 27an egiten den joko berezia da. Goizean goizetik ehunka pertsona biltzen dira bertan parte hartzeko. Lagun talde batek sokaz inguratzen du jendea eta maskuriz jotzen ditu. Musika, festa giroa, zirrara sortzeko modukoa.
0
0 
0 
Errioguardaenea
Bertako produktuak erabiltzen duen jatetxe honetan, euskal giroa eta lasaitasuna topatuko dituzu. Igandeetan enkarguz ez bada itxita dago jatetxea. Menuak 14,50 € eta 18,00 €tan. Ostegun gauetan eta asteburuetan 25,00 €. Telefonoa: 943330291. Hernaniko
3
3 0
Iru Bide
Hernanitik Goizuetarako bidean dagoen jatetxe honek merezi du bisita bat: ez da janari tradizionala, ezta abangoardiakoa ere. Biak batera eskaintzen dituzte (eta prezio ezinhobean).
2
2 0
Oinddi Taberna
Bokata handiak eta onak. Bertan jateko edo eramateko prestatzen dituzte. Baita plater konbinatuak ere. Hernaniko Kale Nagusian topatuko duzu.
1
1 0
Bodega
Musika beltza (soul, reggae...) eta garagardo eskaintza berezia. Taberna historikoa da musikazaleentzat, besteak beste, Negu Gorriak taldeak ohitura zuen bira bati ekin aurretik Hernaniko Bodegan kontzertu sorpresak eskaintzeko.
1
1 0 
Goiz Argi
Taberna ederra garai zaharretako rock & rolla gustuko dutenentzat. Zerbitzari jatorrak, prezio normalak eta musika ona!
0
0 0
Tamer
Hernanin modu onean afaltzeko leku jada klasikoa da hau. Plater konbinatuak, sandwichak eta udan terrazan afaltzeko aukera. Arraultza frijituarekin egindako sandwicha, espeziala!
0
0 0 
Santa Barbara mendiaren magalean dago ostatua, paraje bikainekin. 3 pertsona bitarteko gelak eskaintzen ditu. Horrez gain, ostiral eta larunbatetan afariak ematen dituzte prezio onean; plater konbinatuak, entsaladak... Telefonoa: 943 337 211
0
0 0 
Inprimatu
