O Departamento de Educación de Texas aceptou en EEUU a supresión do termo “capitalismo” dos libros escolares, por entender que tiña un sentido negativo. Decidiron substituír a palabra “capitalismo” por “sistema de empresa libre”, primando a perspectiva conservadora no currículo das materias de ciencias sociais. Entre outras cousas, decidiron dar unha visión máis positiva do capitalismo e da historia do Partido Republicano, ademais de eliminar a crítica á dereita política.