- Cúmprense dez anos desde que a compañía de servizos financeiros estadounidense Lehman Brothers afundísese no mar provocando primeiro unha crise financeira, despois unha crise económica e, finalmente, política. Este feito cambiou o mundo e trouxo consecuencias catastróficas, sobre todo nalgúns países europeos: quebra das empresas, millóns de empregos perdidos, quebra dalgúns bancos, reformas antisociais contra os traballadores, precariedade, aumento da desigualdade e a pobreza, miseria… En definitiva, a expresión do capitalismo salvaxe que segue entre nós.
Gran parte dos responsables da crise (políticos, empresarios, expertos financeiros…) analizaron a situación económica actual, aproveitando que transcorreu xa unha década. O que se deduce das súas palabras non é nada esperanzador. Por exemplo, o ex presidente do Banco Central Europeo, Jean-Claude Trichet, respondeu ao ser preguntado si a crise de Lehman Brothers pódese repetir: “Si existe algo que se pode chamar economía global e o endebedamento global –público ou privado– é un dos mellores indicadores de vulnerabilidade, a situación actual é tan grave como cando estalou a crise: esta indicador mostra un maior nivel de endebedamento en termos de porcentaxe do PIB global”. Os expertos apoian esta tese porque o actual endebedamento do mundo supera con fartura o de 2007 e hai que engadir a China, que ten unha débeda superior á de Estados Unidos con respecto ao PIB.
Parece que o capitalismo necesita de cando en vez unha crise para deixar a carga e seguir acumulando capital, destruíndo emprego e precarizando coas reformas antisociais. Así funciona este sistema salvaxe de estrutura e raíz.