A obra de teatro Josafat, de Luís Haranburu Altuna, foi galardoada o ano pasado co premio do concurso literario que organiza o Concello de Donostia-San Sebastián coa colaboración da Fundación Kutxa. O tema da obra é o seguinte: acabouse o paso da humanidade e chegou a hora de pór as cousas no seu sitio. É o momento de dar a cada ser humano o que merece. No momento do Xuízo Final, San Miguel e Dante están alí para xulgar a algúns dos vascos. Quen? Esteban Garibai, Ignacio de Loyola, Manuel Larramendi, Pedro Agerre Axular, Agosti Xaho, o cura Santakrutz, Francisco Xabier Munibe, Sabino Arana, Miguel Unamuno, Jon Mirande, Joxe Mel Barandiaran, Gabriel Aresti e un membro de eta, entre outros.