Markel Olanok errauskailua egiteko eta fortuna handien zerga erreformatzeko asmoa berretsi du

Markel Olano (EAJ) astearte arratsaldetik Gipuzkoako ahaldun nagusia da, bere alderdiaren eta PSEren aldeko botoekin. Agintaldi hasierako debatean Olanok datozen lau urteetarako dituen asmoak azaldu ditu.

Fiskalitatea: pizgarria eta berdintzailea

Krisi ekonomikoaren ondorioz, zergak nola eta zertarako erabili behar diren asko eztabaidatu da legegintzaldi honetan. Dirua biltzeko soilik? Banaketa justuago bat egiteko? Enpresen inbertsioak bultzatzeko?

Euskadi Irratiak Xabier Olanoren adierazpen "larri" batzuk ezkutatu dituela salatu dute erredaktoreek

EAJren garaian Gipuzkoako Aldundiak enpresa handiak ez ikuskatzeko agindua eman zuela adierazi zuen EH Bilduko hautagaiak irratiko elkarrizketa batean, baina albistegietan ez zen agertu.

2016rako munduko biztanleriaren %1ek diru gehiago izango du gainontzeko %99k baino

Oxfam Intermónek “ezberdintasunaren aurka” egiteko eskatu die herrialde garatuenetako alderdi politikoei, aberatsen eta pobreen arteko alde horrek “gosearen aurkako borroka oztopatzen” duelako.

Montoro-Barcina: 1.513 milioi euroko menpekotasuna

Espainiako Gobernuak ez du Volkswageneko BEZaren afera Auzitegi Gorenera eramango. Hori izan zen Espainiako eta Nafarroako Gobernuen artean atzo Iruñean adostutakoa. Neurria, alabaina, behin-behinekoa da.

Volkswageneko BEZaz erabakitzeko bilera bertan behera utzi du Espainiako Gobernuak

Nafarroako eta Espainiako Gobernuek gaur 13:00etan zuten bilera bertan behera utzi du Espainiako Gobernuak. Hitzarmen Ekonomikoa eta zergen esparruan dauzkaten hainbat gai jorratzeko bildu behar zuten. Orain bilera egin egingo da, baina teknikarien artean izango dela adierazi dute Nafarroako Gobernutik, eta batez ere hurrengo bileretako lana leuntzera bideratua egingo da.

Zer gertatu da Nafarroan, Madrilek BEZaren 1.513 milioi euro eskatzeko?

Yolanda Barcina Nafarroako Gobernuko lehendakaria Cristobal Montoro Espainiako Gobernuko Ogasun ministroarekin bildu zen asteartean Madrilen eta bileraren ondorioak lurrikara ekarri du Nafarroara. Madrilgo Gobernuak Nafarroako hainbat legeren aurka jarritako helegiteak –hamar bat dira Konstituzio Auzitegian– bertan behera uzteko eskatzera joan zen Barcina eta beste helegite bat esku artean duela itzuli da: Madrilen ustez, Nafarroako Ogasunak 1.513 milioi euro ordaindu behar dizkio.

Kapitala XXI. mendean: Hautsak harrotu dituen liburua

Thomas Pikettyren azken liburuaren argitalpena aparteko fenomenoa izan da. Seiehun orriak pasatzen dituen liburu mardul hau azken hilabeteetako best-sellerra izan da, batez ere jatorriko frantseseko bertsioa ingelesera itzuli denetik. Desberdintasun globalaren gaineko ikuspegia ematen digu: datu estatistiko zabaletan oinarrituta, Kapitalismoak historian zehar geroz eta desberdintasun handiagoak sortzeko izan duen joera bistaratzen du.

Frantziaren zor publikoaren %59 ez-legezkoa da

Frantzian Collectif pour un Audit citoyen de la dette publique (CAC) elkarteak jakinarazi du une honetan Frantziak daukan zor publikoaren erdia baino gehiago, %59, ez legezkoa dela.

Europak 30 milioi euroko faktura pasa die Foru Aldundiei opor fiskalengatik

Europar Batasuneko (EB) Justizia Auzitegiak 30 milioi euroko isuna ezarri die Arabako, Bizkaiko eta Gipuzkoako Foru Aldundiei, 1990eko hamarkadan euskal enpresei emandako "opor fiskalak" berandu itzultzeagatik.

300 lanpostu irregular antzeman zituzten hilero EAEn iaz

Euskal Autonomia Erkidegoko lan ikuskaritzak 3.539 lanpostu irregular antzeman zituen 2013an, ia 300 hileko.

Artelanetarako BEZa %10era jaitsi dute Espainian, iazko igoerari kontra eginez

Espainiako Gobernuak Balio Erantsiaren gaineko Zerga (BEZ) %10ra jaitsi du artelanen salerosketetarako, iaz %21ean ezarri ostean. Igandean ezarri zen neurri berria, larunbatean Estatuko Aldizkari Ofizialean (EAO) argitaratu eta gero.  Iazko igoera baino lehen %8ko BEZa zuen kulturak.

Hiru diputazioentzat 50 milioi euroko isuna proposatu du Europar Batasunak

Europar Batasuneko (EB) Justizia Epaitegiko abokatu nagusi Eleanor Sharpstonek Espainiako Estatuak opor fiskalengatik 50 milioi euroko isuna ordaintzea proposatu du. Isuna EAEko hiru diputazioentzat da, 90eko hamarkadan 300 enpresari legez kanpoko zerga pizgarriak eman eta diru hori garaiz ez berreskuratzeagatik.

BEZa %23ra igotzeko asmoa duenik ukatu du Espainiako Ogasun ministroak

Espainiako Gobernuak BEZ zerga %23ra igotzeko asmoa daukala argitaratu du Expansión egunkariak gaur; eta horretarako aditu talde bati txostena eskatu diola. Espainiako Ogasun ministroak ukatu egin du halako asmorik eta txostena argitaratu arte itxaroteko eskatu du. 

Arabako zergen "Ali Babaren koba" zabaltzeko eskatu dute Batzar Nagusiek

Gipuzkoak duela bi urte hartu zuen bidetik abiatu dira Bizkaia eta Araba: akabo zerga aitorpen sekretuak aberatsenentzat.

Sekretupeko zerga aitorpen eskubidea amaitzear EAEko aberatsentzat

ETAren “iraultza zerga”-tik babesteko balio zuela argudiatuta, azken 30 urteetan errenta oso altuak dauzkaten pertsonek zerga-aitorpen sekretuak egiteko aukera izan dute Euskal Autonomia Erkidegoan. Salbuespenezko neurria bukatzear egon liteke EAJren jarrera aldaketa medio.

Portugalek eta Irlandak zergak igoko dizkiete bankuei

Grezia eta Espainia bezalaxe, Irlanda eta Portugal Troikak erreskatatutako estatuak dira. 2014ko aurrekontuak aurkeztu dituzte, eta orain arte bezala herritarrei murrizketak ezartzeaz gain, bankuei presio fiskal handiagoa egingo diete.

Ustelkeriaren kontrako tresnak falta dira EAEko fiskal nagusiak dioenez

Ustelkeriaren kontra egiteko konpromisoa dutela berretsi du Juan Calparsoro EAEko fiskal nagusiak. Horretarako beharrezko dituzten giza-baliabideen eta materialen falta azpimarratu du ordea.

Herri akordioak?

EAJk eta PSEk atzo adostu zuten akordio ekonomikoak esparru zabalak jasotzen ditu bere baitan eta sinatzaileek ez dute dudarik izan dokumentuan (pdf) “herri akordio” hitza erabiltzeko.

Fiskalitatea errotik aldatzeko eskatu du ELAk

Hego Euskal Herriko ogasunek 6.500 milioi euro gehiago bilduko lituzkete Europar Batasuneko bataz besteko presio fiskalarekin. Hori adierazi du ELAko idazkari nagusi Adolfo "Txiki" Muñozek fiskalitatearen harira egindako agerpenean. Sindikatuaren arabera, politika fiskala “errotik” aldatu beharra dago iruzurrarekin amaitzeko.

Osasunean eta Hezkuntzan murrizketak aurreratu ditu EAEko Ogasun Sailburuak

Kontuak koadratzeko Osasuna eta Hezkuntza ere kaltetuta aterako dira Araban, Bizkaian eta Gipuzkoan. Hori ondoriozta daiteke Ricardo Gatzagaetxebarria Ogasun Sailburuak joan den ostiralean Legebiltzarreko Ogasun eta Aurrekontuen Batzordean egindako adierazpenetatik.

PPko diputatu ohi batek baieztatu du buruzagiek gainsoldatak kobratzen zituztela eskudirutan

Jorge Trías Sagnier PPko diputatu ohiak azaldu du nola ordaintzen zitzaizkien alderdiko buruzagiei 10.000 euroraino iristen ziren gainsoldatak eskudirutan, gaur El Paísen argitaratu den artikulu batean.

Ogasun propioa sortzeko lehen pausoak Katalunian

Kataluniako Generalitateak dekretua onartu zuen atzo Ekonomia saila birmoldatzeko. Sailaren barruan Ogasun Idazkaritza sortu du, Kataluniako Zerga Agentzia garatzeko helburuz. Francesc Homs sailburuaren esanetan, lanean ari dira 2014 urterako “dena prest” izateko.

Nazioarteko Diru Funtsak onartu du murrizketak egiteko aurreikuspenetan huts egin duela

Nazioarteko Diru Funtsak (NDF) berak onartu du: murrizketa politikak eskatzerako orduan, gutxietsi egin dituzte neurri horiek langabezian eta kontsumoaren jaitsieran izango zuten eragina.

Lurpeko ekonomiak EAEko BPGren %17ko bolumena eduki dezake

Lurpeko ekonomia EAEko BPGren %17ren ingurukoa izan daitekeela uste du Roberto Velasco EHUko Ekonomia Aplikatuko katedradunak El País egunkariari eskaini dion elkarrizketan nabarmendu duenez.
AEB

‘Amildegi Fiskala’ saihesteko plana onartu du AEBetako Ordezkarien Ganberak

AEBetako Ordezkarien Ganberak ‘Amildegi fiskala’ saihesteko legea onartu du. Aurrez Senatuak onartu zuen legeak, aberatsenei edo gehien irabazten dutenei zergak igotzeko bidea zabalduko du. Neurriak ekarriko du erdi mailako irabaziak dituztenei igoerarik ez egitea eta langabeziari aurre egiteko laguntzak bermatzea.

Fortuna Handien Zerga indarrean jarri dute Gipuzkoan

Gipuzkoako Foru Aldundiaren Fortuna Handien Gaineko Zerga onartu zuten atzo Batzar Nagusietan Bilduren, Aralarren eta PSE-EEren aldeko botoekin. EAJk eta PPk kontrako botoa eman zuten. Miloi bat euro baino gehiagoko ondasunak dituzten gipuzkoarrek ordaindu beharko dute zerga berria urtarriletik aurrera.

Espainiako Gobernuaren amnistia fiskalak aurreikusitakoaren erdia bildu du

Espainiako Gobernuak joan den martxoan onartu zuen amnistia fiskala azaroaren 30ean bukatu berri da. Neurri horrekin, Gobernuak 2.500 milioi euro biltzea espero zuen, baina 1.200 bildu ditu denera. Amnistiaren bidez, diru beltza azaleratzeko aukera eman du Gobernuak, %10eko zerga ordainduta. Oposizio guztiak gogor kritikatu zuen neurria hasieratik, iruzurgileak saritzen dituelakoan.

Fortuna Handien Zerga dela-eta, ezkerra eta eskuina bi bandotan Gipuzkoan

Aberastasunaren eta Fortuna Handien gaineko Zerga jarri ahalko dute 2013an Gipuzkoan, Bilduren eta PSE-EEren aldeko botoekin. Astelehenean ados jarri ziren bi indarrak; eta atzo berriz, EAJren eta PPren kritikak jaso zituzten, Bizkaiko eta Arabako Foru Aldundien bitartez. Joan den astean ere zatiketa berdina (Bildu eta PSE alde batean, EAJ eta PP bestean) eszenifikatu zuten Finantzen Euskal Kontseiluan.

Iaz baino 8,7 milioi euro gehiago lortuko da Gipuzkoan Ondasunen Gaineko Zergekin

Gipuzkoako Foru Aldundiak Aberastasunaren eta Fortuna Handien gaineko zerga berriarekin 44,64 milioi euro lortzea espero du atzo Helena Franco Gipuzkoako Ogasun eta Finantza Ahaldunak adierazi zuenez.
Gehiago kargatu

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


Ametzagaiña Argia Antza iametza Adur Luditoys