Rage Against the Machine taldeak aurre egin zion BBC katearen zentsura saiakerari. Killing in the name of abestiarekin Erresuma Batuko abestien zerrendako lehen postura iristeko lehian, BBC radio katean abestia zuzenean jotzera zihoazen. Irrati-kateak, ordea, abestia aldatzeko eta biraoak ezabatzeko eskatu zien. Abestiak “Fuck you I won’t do what you tell me” (izorra zaitez, ez dut agintzen didazuna egingo) esaten zuen, eta hori izan zen hain zuzen egin zutena: zati hori iritsi zenean, Zack de la Rocha abeslariak hatz luzea erakutsiz indar osoz oihukatu zituen hitzok. Emisioaren arduradunek emanaldia eten zuten.