Lehendabiziko Korrika abiatu zen Oñatitik 'Zuk ere esan bai euskarari' lelopean
1980ko azaroaren 29an,
lehendabiziko Korrika abiatu zen Oñatitik. Euskararen aldeko lasterraldiak Bilbo arteko bidea egin zuen Euskal Herri osoan zehar milaka lagunen parte hartzearekin. AEK-k antolatu zuen, Euskal Herri osoa euskalduntzeko beharra aldarrikatu eta diru faltaren aurrean baliabideak lortzeko.
Lekukoarekin batera hasiera emango zion korrikalaria Oñatiko alkatea Eli Galdos izan zen. Lekukoa hau eraman zutenen artean izen garrantzitsu asko izan ziren, tartean Jose Migel Barandiaran, Telesforo Monzón, Francisco Letamendia eta Jon Castañares (Bilboko alkatea). Bilbon eman zitzaion amaiera eta azken kilometroa antolatzaileek egin zuten.
Lekuko barruan eramandako mezua Rikardo Arregik 1966an Euskaltzaindiari idatziriko eskutitza zen. Bertan Alfabetatze saila sor zezan proposatzen zion, jendeak euskaraz irakurri eta idazten ikastearen garrantziaz hausnartzen zuen. Ibilbidean zehar ordea mezua galdu egin zen eta Bilbon bertan antolatzaileak horretaz konturatu zirenean fotokopiaren bila hasi ziren baina astirik ez zegoen eta Julen Kaltzadak mezua inprobisatu zuen.
Urte hau historian:
<
>
Berrienetik
Zaharrenetik
Hilabete honetako urteurrenak:
|
Berrienetik
Zaharrenetik
