Italiako Brigada Gorriek ordubetez bahitu zuten Sit-Siemenseko zuzendaria. Idalgo Macchiarini zuen izena eta bahiketaren helburua propagandistikoa zen. Langileriak gorroto zituen pertsonaiak ustekabean bahitu, lepotik zintzilik afixa bat jarri, argazkia egin, eta prentsara bidali ostean, aske uzten zituzten beren fabrikara langileak sartzen ari ziren unean, denen aurrean. Halako bahiketa ugari egin zituzten BGek.