Istiluak Angelun eta Baionan, Biarritzeko Europar Batasunaren goi-bileraren harira. Preso eta iheslarien aldeko manifestazioa abiatu zen Baionatik, aldarrikapena goi-bileraraino eraman asmoz. Angeluko erdigunean Poliziak bidea moztean hasi ziren istiluak. Harriak, molotov koktelak eta gas negar-eragileak bota zizkioten elkarri, eta 40 atxilotu izan ziren. Batzuek lortu zuten Biarritzera iritsi eta presoen aldeko aldarriak Espainiako presidente Zapaterori helaraztea, baina han ere Poliziak gas negar-eragilez eraso egin zien herritarrei. Nazioarteko prentsan sona handia izan zuen protestak.