Indonesiako urtegi bat kolapsatu zen eta sarraskia eragin. 1933an kolono holandarrek artifizialki eraikitako lakua zen Situ Gintung izenekoa, arroz zelaiak ureztatzeko pentsatua, baina eremua urbanizatu ahala, etxeko kontsumorako bideratu zen bertako ura. Egun hartan egindako euri jasek ur-maila asko igo zuten; mantentze lan ezagatik, urtegiak ezin izan zion jarioari eutsi eta uholde erraldoia eragin zuen ibaian behera. Ia 100 hildako utzi eta 250 etxe suntsitu zituen.