Ikurrinaren debekua baliorik gabe utzi zuen Nafarroako Parlamentuak. Ikurren legea derogatzeko, UPN, PSN eta PPNren aurkako botoei Geroa Bai, EH Bildu, Podemos-Ahal Dugu eta Izquierda-Ezkerrarenak gailendu zitzaizkien. UPNko eta PPko legebiltzarkideek Nafarroako banderak atera zituzten protesta modura, eta aretotik irten ziren Izquierda-Ezkerrako kide batek Espainiako Errepublikarena aterata erantzun zienean. 2003ko ikurren legea, udaletxeetan ikurrina jartzea debekatzen zuena, bertan behera utzi zuten horrela.