Espainiar konkistatzaileek Iruñea gotortu zuten, nafarren erasoei eutsi asmoz. Nafarroako errege-erreginak erresuma berreskuratzen saiatuko zirela susmatzen zuen Fernando Faltsarioak –Fernando Katolikoa gisa ere ezaguna–, eta Iruñeko harresia ez zen garai hartako artilleria modernoa jasateko gai. Inguruko eskualdetako ordezkariak deitu eta eraikuntza lanetan aritzera derrigortu zuten jendea, mehatxupean. Desobedienteekin zerrendak egin zituen eta isunak ezarri zizkieten. 1590era arte iraun zuen gazteluak zutik.
Eraikuntza hasi eta bost hilabetera, maiatzean, Nafarroako errege-erregina legitimoekiko leial izaten jarraitzen zuten nafartarren jabetzak konfiskatzeko agindu zuten.