Espainiako errugbi selekzioarekin jokatzeari uko egin zion Aratz Gallastegik. Europako Kopa jokatzekoa zen, eta Espainiako Selekzioak dei egin zion Getxo Arteako jokalariari. Gallastegi hamabost aldiz izana zen espainiar selekzioarekin, baina ez zela itzuliko jakinarazi zien.

Euskal Herriko selekzioaren alde lan egin nahi zuela adierazi zuen 23 urteko kirolariak, eta euskal kirol agintariei Legebiltzarrean onartu zen Kirol Legea bete zezatela eskatu zien.