Damaso Intza hil zen, Zeruko Argia aldizkariaren sortzailea, Iruñeko Arrotxapeako komentuan. Migel Olasagarre Zubillaga zuen berezko izena, eta mende bat lehenago, 1886an Intzan jaiotako fraide kaputxinoa izan zen. Buenabentura Oyeregiarra kaputxinoarekin batera sortu zuen Zeruko Argia 1919an, eta bi urteren buruan Gipuzkoan eta Bizkaian ere Nafarroan adina saltzen hasi zen aldizkaria. 1936ko Gerraren ondorioz argitaratzeari utzi zion. Damaso Intza Txilera bidali zuten eta erbestean egin zituen 32 urte, misioetan. 1968an itzulita, Nafarroa Garaiko euskalkiak biltzeari ekin zion, arrakasta handiz.