Carles Puigdemont izendatu zuten Kataluniako presidente. Alderdi independentistek izaera plebiszitarioa eman zieten 2015eko hauteskunde parlamentarioei eta gehiengoa ziren. CUP alderdiak, ordea, kanpainan agindu zuen Artur Mas ez zutela presidente egingo, bere figura ustelkeriarekin eta murrizketekin lotuta zegoelako. Presio handiko asteen ostean, CiUk atzera egin eta Masen ordez, Puigdemont aurkeztu zuen, Gironako alkate izana eta alderdi barruan korronte independentistaren bultzatzaile nagusietakoa. Azken orduko akordioa erdietsita, Puigdemontek baiezkoa lortu zuen. Gehiengo independentistarekin, urte eta erdi barrurako independentzia erreferenduma antolatzeari ekin zioten.