Bi abokatuk planto egin zuten epaiketa batean, euskaldun gisa hizkuntz eskubideak urratzen zizkietela salatzeko. Iñigo Santxo eta Endika Garai ziren. Hego Euskal Herriko epaileen %95ak ez zekien euskaraz, Euskal Kulturaren Batzarraren datuen arabera. Handik hilabetera, abokatu talde batek Bilbon salatu zuen euskaraz tramitatutako 20-30 prozedura geldirik zeudela, itzulpen zerbitzuek uko egin ziotelako auzi horiek euskaratzeari. Euskal Herriko Abokatuen Elkarteak babesa adierazi zien abokatuei, eta euskaraz egiten ziren epaiketetan aritzen ziren epaile erdaldunak ezgaitzat jo zituen haien jardun profesionala betetzeko. Abokatu euskaldunen borroka hasten ari zen.