Anton Garai pirata bizkaitarra urkatu zuten Galizian. Gorlizen sortua, La Trinidad ontziaren kapitain izan zen pirata hau. Galiziako kostaldean egiten zituen lapurretak, eta ez zuen bandera bakar bat ere errespetatzen: ontzi espainiar, portugaldar, holandar zein ingelesei eraso egiten zien, eta horregatik, denek zuten arerio. La piedad ontzi bretoia lapurtu ostean salatu egin zuten, eta heriotzara kondenatu “itsaslapur kortsario izateagatik”. A Coruñan eman zuen azken hatsa.