Abiazio italiarrak Donostia bonbardatu zuen. Hiriaren erdiguneari eraso egin eta sei zibil hil zituzten, haietako bi haurrak. Erasoek dozenaka pertsona zauritu zituzten. Gerrako Komisariotzak aire-erasoez ohartarazteko alarma sistema abiatu zuen orduan, eta El Pueblo Vasco egunkariaren egoitza zegoen eraikinean ezarritako sirenaren bidez aire-erasoen hasiera zein amaieraren abisua emango zuten egun hartatik aurrera, herritarrek babes har zezaten.