Abenduaren 11, greba orokorra

2014-12-11  //  Historia  //  Iruzkinik ez

Greba orokorrak eragin itzela izan zuen lantegi askotan. Irudian, protestak Pasaiako Luzuriagako protestak (arg.: “Euskadi eta Askatasuna”)

40 urte igaro dira. Franco oraindik bizirik zela, Hego Euskal Herrian sekulako greba orokorra egin zen 1974ko abenduaren 11n: 223.000 lagunek gelditu zituzten makinak. Giro politiko nahaspilatsuari, lan gatazka gogorrak gehitu zitzaizkion, eta Nafarroa izan zuen epizentroa. (gehiago…)

Baleren Bakaikoak GEZKIko zuzendari izateari utzi dio 25 urteren ondoren

2014-12-10  //  Ekonomia, Gizartea  //  Iruzkinik ez

GEZKI Gizarte Ekonomia eta Zuzenbide Kooperatiboaren Institutua 1987an sortu zuen EHUk, ekonomia sozialaren inguruan ikertzeko eta batez ere kooperatibismoa lantzeko helburuz.

Bertako zuzendari izan da 25 urtez Baleren Bakaikoa EHUko Ekonomia Aplikatuko katedraduna eta ARGIAko kolaboratzailea. Erretiroa hartu behar duela-eta, zuzendaritza berri bati lekukoa eman dio Bakaikoak eta Oinez bidea eginez iritzi artikuluan bildu ditu institutuak gaur arte eman dituen urratsak.

GEZKI-ko zuzendari berri Aitor Bengoetxea Alkorta izango da, orain arte institutuaren idazkari lanetan aritua. Idazkaritza Enekoitz Etxezarreta EHUko Gasteizko Enpresa Ikasketen Unibertsitate Eskolako irakasleak hartuko du. Etxezarretari elkarrizketa egin genion ekonomia sozialaz aritu ginen Larrun 185. zenbakian.

Lanpostuek %36 egin dute gora ekonomia sozial eraldatzailean

2014-12-10  //  Ekonomia  //  Iruzkinik ez

REAS sareak Araba, Bizkaia eta Gipuzkoako 70 erakunde aztertu ditu. 1.938 egun osoko lanpostu eta 100 milioi euroko diru-sarrerak dituzte orotara. (gehiago…)

Neinor Barria erdi-prezioan saltzear da Kutxabank

2014-11-28  //  Ekonomia  //  Iruzkinik ez

Atzerriko hainbat inbertsio funtsekin ari da negoziatzen operazioa. 1.500 milioi euroko aktiboak dituen higiezinen agentzia 800 milioitan salduko luke bankuak. (gehiago…)

Rajoy dispertsio politikaz: “Mesede handia egiten diegu pertsona horiei”

2014-11-26  //  Politika  //  Iruzkinik ez

Ez Eusko Legebiltzarrean gehiengo oso handiz egindako eskaerak, ez Amnesty Internationalen txostenak, ezta Estrasburgoko sententziak ere –Giza Eskubideen Europar Konbentzioaren 8. artikulua urratzen duela ebatzi du antzeko beste  kasuetan–. Madrilgo gotorlekutik, Mariano Rajoyk entzungor egin die sakabanaketarekin –eta horrekin batera presoen urruntzeak senideei dakarkien sufrimenduarekin– amaitzeko egindako eskaera guztiei. (gehiago…)

Mila Michelin izar

2014-11-21  //  Euskara, Hedabideak, Historia, Uncategorized  //  Iruzkinik ez

Arzakek bere bizitzaren pasarteak kontatzen dituen Keler-en iragarkian, 1980an ARGIAren alde Donostiako Baldan egindako 1.000 lagunentzako bazkariaren irudiak ageri dira fotograma gutxitan. Omendu berri duten chef donostiarrak, zergatik du gogoan bazkari hura? Euskal sukaldaritza berriaren sorrerara jo behar dugu hori ulertzeko. (gehiago…)

Iñaki Oyarzabalek dio poliziak bere burua “defenditzeko” egin zuela Gasteizko 1976ko sarraskia

2014-11-12  //  Gizartea, Historia, Uncategorized  //  Iruzkinik ez

Arabako PPko buruzagiak Jot Down aldizkari digitalari adierazi dio poliziek “jendetzak inguratuta eta ihesbiderik gabe” aurkitu zirenean erabili zituztela suzko armak. Hala, 1976ko Gasteizko polizia kapitainaren hitz berak erabili ditu langileei egindako erasoa azaltzeko.

(gehiago…)

Espainiako militarrek Argentinako diktaduraren metodoak erabili nahi zituzten Euskal Herrian

2014-11-05  //  Historia, Politika  //  Iruzkinik ez

Espainiako polizia Hernanin manifestazio bat gerarazten 1978ko ekainean (argazkia: Argia)

Trantsizio garaian Argentinako diktadurarekin harreman estua izan zuten Espainiako militarrek, baita Adolfo Suarez presidentearen ingurukoek ere. Euskal Herriko egoerari aurre egiteko, Videla genozidak erabilitako gerra totala eta errepresio basatia eredutzat zuten. Publico.es egunkariak lotura hori erakusten duten sekretupeko dokumentuak argitaratu ditu. (gehiago…)

Lehen Mundu Gerran euskal presoei grabatutako kantak entzungai jarri dituzte Berlingo Etnologia Museoan

2014-10-29  //  Historia, Musika  //  Iruzkinik ez

Carl Stumpf eta Georg Schünemann tartariar presoen musika erregistratzen. Euskaldunekin horixe bera egin zuten musikologo alemaniarrek (arg.: Deutsches Rundfunkarchiv – Historisches Archiv der ARD)

Alemaniako zientzialariek 1915 eta 1918 artean grabaketak egin zizkieten gatibu-esparruetan zeuden jatorri ugariko presoei. Tartean, 70 kanta baino gehiago daude euskaraz. Argizarizko zilindroetan gordeak dauden artxibo soinudunok digitalizatzen ari da Berlingo Etnologia Museoa eta erakusketa zabaldu du behin behineko emaitzekin. (gehiago…)

Txingudiko mankomunitateari 3.000 euroko zigorra, Endara errekaren emari ekologikoa ez errespetatzeagatik

2014-10-24  //  Ekonomia, Ingurumena  //  Iruzkinik ez

Endara errekako ura kanal honetatik desbideratzen du Txinzerrek zentral hidroelektriko batera. Errekan nahikoa emari ekologiko ez uzteagatik zigortu dute orain. (arg: Ketari)

Kantauriko Konfederazio Hidrografikoak isuna jarri dio Bidasoaldeko uraren kudeaketaz arduratzen den Txingudiko Urak SA sozietate publikoari, 2013ko irailean Endara errekak ur gutxiegi zeramala frogatutzat eman ondoren. Sozietateak ura errekatik ateratzen du zentral hidroelektriko bat hornitzeko. (gehiago…)