Hasiera »
Rayco Sanchezen bloga - Opio errebeldea
Ray Apache
Bilbotarra, Norte Apache Rap taldeko kidea, Euskaldun barria, gizarte hezitzailea, umore xelebrearen zale amorratua, filosofo izorratzailea... Opio Errebelde Blog honetan, futbola gizarte aldaketarako erreminta bezala, erabiltzen dituzten eredu ezberdinen inguruan, egingo dugu berba: hango eta hemengo bitxikeriak, atzo eta gaurko anekdotak, futbolari zirikatzaileak…zuen iradokizunak eta iritziak jakin nahi ditut. Welcome to Tijuana!!
Azken bidalketak
Iruzkin berriak
- Rayco Sanchez(e)k Zergatik ez? bidalketan
- 27zapata(e)k Zergatik ez? bidalketan
Artxiboak
- 2018(e)ko maiatza
- 2017(e)ko abendua
- 2017(e)ko ekaina
- 2017(e)ko maiatza
- 2017(e)ko apirila
- 2017(e)ko martxoa
- 2017(e)ko urtarrila
- 2016(e)ko abendua
- 2016(e)ko azaroa
- 2016(e)ko abuztua
- 2016(e)ko ekaina
- 2016(e)ko maiatza
- 2016(e)ko apirila
- 2016(e)ko martxoa
- 2016(e)ko otsaila
- 2016(e)ko urtarrila
- 2015(e)ko abendua
- 2015(e)ko azaroa
- 2015(e)ko urria
- 2015(e)ko iraila
- 2015(e)ko maiatza
- 2015(e)ko martxoa
- 2015(e)ko urtarrila
- 2014(e)ko urria
- 2014(e)ko iraila
- 2014(e)ko abuztua
- 2014(e)ko uztaila
- 2014(e)ko maiatza
- 2014(e)ko apirila
- 2014(e)ko martxoa
Marx St. Pauliko bazkidea
2014-03-30 // Sailkatu gabea // Iruzkinik ez
Marx…
“SieistdasOpiumdesVolkes“: Eliza herriaren opioa da. Karl Marxen esaldi famatua ez da denboran atzean gelditu, ezta “Mainstream”aren ahanzturan galdu ere.
Bizardun zirikatzaileak ez zekiena zen, mende bat geroago eliza petroliodun aberatsen entretenimendu berriak ordezkatuko zuela. Galtzontzilotan pilota baten atzetik korrika egiten duten 22 pilula narkotikoak, historian zehar, eskumatar boteretsuen “ogia eta zirkoa” izan dira.
Francoren garaian, Real Madrid eredu zentralista zuelarik, futbola erregimen totalitaristaren mendean zegoen. Obedientzia, jazarpena eta diziplina militarra bihurtu ziren kirol erregearen filosofia, “Patxitarren” propaganda kutsagarria era errazean hedatzen. Garai haietan hasi zen, oraindik dirauen koadrilen arteko kezkarik nagusiena: Zer egin du gure taldeak? Ikusi zenuen? Garai latz horietan gertatzen ari zenari amen esanez.
Gauza antzekoa gertatu zen 1978an Argentinan jokatutako mundialean. Desagerpenak, torturak, Maiatzaren Plazako Amek buruan zapia eta ukabilean esperantza estutzen zituzten momentu haietan, kirol munduaren jairik handiena ospatzen ari zen. Mundua porterietako sareen, zuloen artetik begira, soilik pilotaren mugimendu hipnotikoa ikusi zezaketen. Finalean, (Argentina garaile atera zen) kartzelan jipoituak izaten ari zirenek, Monumental Estadioko golen oihuak entzun zitzaketen metro eskasetara, odola kolore orlegiarekin estali zuten.
Egun, formatu berriarekin, futbola astelehenetik igandera dugu afari, teleberrietako kronika amaigabeak gosari eta bazkal orduan ditugularik. Horrez gain, antzina gertatzen ez zen bezala, zure taldearen partidak jarraitzeko, telebista kate pribatuak alokatzera behartzen zaitu zeure droga grinak. Eskerrak “piratek” irtenbide errazak abordatzen ditugula.
Beraz, futbola opioa… bai, bada, baina gure opio-eredua aldarrikatu nahi dugu, ERREBELDEA, gizarte eragintzailea, salatzailea, izorratzailea, politika eta herriaren oihartzuna izan behar dena. Hortaz, ziur nago, Marx laguna, XX. mendean jaio izan balitz, Hamburgoko Sankt Pauli futbol taldeko jarraitzaile Punkia izango zela.
Opio Errebeldea Blog honetan, gure futbol eredu hauen inguruan egingo dugu berba, hango eta hemengo bitxikeriak, atzoko eta gaurko anekdotak, futbolari zirikatzaileak…
Zerbait gehiago bilatzen dugulako, harmailak kaleko bozgorailu izan behar direlako.