Bizitza dut anuntzio

Euskal Herrian badira bizitzeko toki ederrak. Baztan inguruan, esaterako, badira baserri eta errekaondo eder-ederrak. Euskal kostalde osoa itsasoaren oinetara makurtzen da, mendien magalean. Eta Erribera ingurua espektakulua da udazken koloretan. Bai,

herrialde guztietan toki onak badira,

baina bihotzak dio: Zoaz Euskal Herrira!

Bai, Euskal Herrian badira bizitzeko toki eder askoak, baina ni ez nauzue engainatuko, EHn ere ez dago iragarki batean bizitzea bezalakorik. Eta hori horrela dela erakusteko gaur anuntzio bilakatuko dut Faktoria.  Faktoria iragarkiz dekoratuko dut.

Izan ere, anuntzio batean ez dago etsairik. Denak dira… lagunak, kolegak. Eta inportanteena, ez dago lagun kaspadunik, inori ez zaio puparik ateratzen ezpainetan, begizuloak ez dira existitzen eta ez da ile errebelderik sortzen… sudurzuloetan. Eta norbaitengana gerturatzean inori ez diozu hatsss kiratsdunik sumatuko. Ahhhh… ahhhh. Denek garbitzen baitute ahoa… Listerinerekin.

Anuntzio batean bizitzea ekintza artistikoa da. Museo eder batean bizitzea bezalakoxea. Edo beti ondo bukatzen den pelikula batean. Poesiaren etxean. Ez dago iragarkietako esloganetan fijatu besterik:

• Imposible is nothing
• Just do it
• No Martini… no party
• Edo Alzolak, gure basque water-ak, erabili zuen hura:
  • Be water, my friend.

Kontua da anuntzio batean bizitzea paradisuan bizitzea bezalako zerbait dela. Atsedenaldiak kit-kat bihurtzen dira, irribarreak Profident eta loaldi ederrenak Flex edo Picolin. Bai. Anuntzio batean bizitzea… paradisua da. Adibidez. Norabait joateko autoa behar duzula? Sartu lasai kotxean. Ez duzu gerrikoa janzteko molestiarik hartu beharko, anuntzioetan ez baita inoiz istripurik izaten. Errepidean ez duzu inoiz ataskorik topatuko, inork ez dizu inoiz-inola-inon bozinarik joko eta inportanteena, gasolindegietan geratu behar izan gabe bidaiatu ahal izango duzu.

Demagun orain nagusiak deitu dizula bere bulegora. Bulegoko atea zabaldu orduko esan dizu… kaleratu zaudela! Berdin du! Ez diozu galdetu zergatik. Ez. Ez zaizu inporta kaleratzearen arrazoia. Pasiloko freskagarrien makinara joan eta Coca Cola bat hartu duzu. Klak! (Edo klik) Eta Coca Cola trago bat, trago bakar bat nahikoa izan duzu disgustuak ahaztu eta zoriontsu izateko. Anuntzioetako Coca Cola trago batek… koka arrasto batek adina euforia erregalatzen baitizu. Instantean.

Anuntzioena plazera da. Orgasmo etengabea. Horretarako nahikoa duzu, nahikoa duzu, esaterako…. yogur bat jatea. Ireki no frost zaratarik gabeko frigorifikoko atea eta disfrutatu Greziako historiaren zaporea ekarriko dizun yogurtez. Eta mesedez, ez kezkatu, ez kezkatu inoiz zure osasunaz. Zu zaintzeko daude denak. Beti edukiko duzu Danacol bat kolesterola jaisteko eta harriak altzatzen jarraitzeko. Perurenak bezala.

Bai. Ez dago anuntzio batean bizitzea bezalakorik. Nork nahi du etxe bat Donostiako kontxako lehen lerroan, anuntzio batean bizitzeko aukera izanez gero!

Anuntzio batean denak balio du gutxi.

     Dena da koma 99.

     Arropa beti ateratzen da zuri labadoratik

     Telefono denak dira 4 G

     eta orgasmora une berean helduko zarete preserbatiboak erabiltzen badituzue.

     Anuntzioetan Iberdolarrek… bai, Iberdrolak Greenpeace ematen du anuntzioetan.

Eta lasai. Anuntzio batean ez zara inoiz geratuko bakarrik. Iragarkietan ez dago banku bat baino lagun hoberik. Zu laguntzeko daude ONG Direct… estoooo ING Direct eta Bankia eta Saxo Bank eta noski, Bank Bank Bank… Kutxabank.

Eta, ai, gaixoa. Nekatuta zaudela?

     Hartu Powerade bat.

     Haserre eta freskatzeko beharrean zaudela?

     Paco Rabannek itsasoa bidaliko du zuregana

Tafallan edo Isaban zauden erreparatu gabe.

     Gose zarela?

Zer nahi duzu? Bartolo jatetxeko plater bat, Mcburger erraldoi bat ala Pescanovako arrain kongelatu freskoa?

Bai, benetan, nik esaten dizuet, probatu dut eta bai. Ez dago anuntzio batean bizitzea bezalakorik. Horregatik erabaki dut aurten oporretara ez joatea…. Eta anuntzio batean geratzea…

Zalantzan egon naiz Tampax anuntzio baten edo zerbeza anuntzio baten artean… Egia esan, Tampaxenak gehiago pegatzen dit niri baina… zerbezarena aukeratuko dut.

Zerbeza anuntzio batean bizitza sinplea baita eta beti irabazten da. Bai futbol partidetan eta bai hondartzetan. Getariko Elkano jatetxean bazkaltzean bezala da: win win.

Zerbeza anuntzioetako hondartzan

eguzkiak ez zaitu inoiz erreko,

zerbeza asko edanagatik ez zaizu inoiz tripatxorik aterako,

inor itsusirik ez duzu izango alboan…(beti inguratuko zaituzte tiobueno eta tiabuenek.)

Zerbeza anuntzio batean dena da positiboa, dena da guaya. Ez dago langabeziarik. Denbora librea bakarrik.

Bai  zerbeza anuntzio batean

ez dago presarik

ez dago isunik

poliziarik ere ez dago

inork ez du pixik egiten kalean.

Eta hau flipantia da baina, mozkorrik ere ez dago.

Ez sexu langilerik,

ez bestondorik, ez ajerik…

dena da irribarrea eta buenrollismoa.

Eta inportanteena: ez dago errenta aitorpenik ere.

Zuek ez dakit baina ni puxka batean anuntzio honetan geratuko naiz. Nirekin etorri nahi duenak ekarri dezala zerbeza kaxa bat… Denon omenean egingo dugu topa!