Ikusi ditut umeak
jan ez dituzten bainak
zakarretara botatzen.
Eta zakar poltsa berri bat
eman behar izan diet
euren platera beteak
hustu zitzaten.
Eta orduan nik
zakar poltsak hartu
eta jangelaren erdian
hustu ditut
eta baina eta pataten
gainean
harrokeriak madarikatu ditut
eta zoro gosetu baten modura
jaten hasi naiz,
baldosak ere miazkatuz,
umeak etorri eta zer ari zara galdezka
hasi zaizkidan arte.
Nirea bainarik gabeko borroka
dela esan diet.
