Aurkeztu dute Pablo Berastegui Donostia 2016ko zuzendari orokorra (ikus behean txertatutako EITBko bideoan postua hartu berritan egin dituen lehen hitzak) eta mundu guztiak sinetsi duenean hiriburu kulturalaren kontuekin lasaitasun pixka bat izango genuela, datu inportante bat hasi da zabaltzen sare sozialetan.
Joseba Alvarezek adierazi duenez, Berasteguik ez daki euskaraz.
AHO BATEZ izendatu den Donostia2016ko zuzendari berriak ez daki euskaraz eta, beraz, ez du euskal kultura zuzenean ezagutzen. LOTSA! @EHE.
— Joseba Alvarez (@JosebaAlvarez) September 8, 2014
Albisteak hainbat twitterlariren erantzuna ekarri du.
#Donostia2016-ko zuzendariak euskaraz jakin ez eta oraindik ere “egokiena” bera dela dio Donostiako alkateak. #LOTSA #LOTSA #LOTSA #LOTSA
— Kaltzakorta (@Kaltzakorta) September 9, 2014
Aho bete hortz utzi nau #Donostia2016 zuzendari berriak euskaraz ez dakiela jakiteak.
— Umerez (@eumrz) September 8, 2014
Euskaraz ez dakien pertsona, @DSS2016-rako zuzendari berria. Ahobetez, eta udalaren oniritziarekin. #TomaYa http://t.co/8jjen8YJBE
— Batiste Ezeiza (@Batisezeiza) September 9, 2014
Beraz, badugu istilua berriz: gaiaren larritasuna ikusirik, orain arte 2016ari markajea egiten aritu diren interes taldeek eta hedabideek lepora salto egingo diote Fundazioaren Patronatuari. Seguru.
Pentsatzekoa da, bere garaian Itziar Nogerasek ingelesez ez zekiela gorriz azpimarratu zuten gisa berean hasiko direla espantuka gure euskara maiteak ez duelako bonberoen egoitza zaharreko master and commander berriaren mingainik probatuko.
Edo akaso ez. Akaso inporta duena ingelesez jakitea da eta who cares Berasteguiren gaitasun linguistiko faltaz. Lauzpabost euskaltzaleri –fucking basque talibans– baino ez zaie irudituko, demagun, blog batean lerro batzuk alferrik botatzeko moduko gaia.
Erreakzioak (azken eguneraketa, 2014-IX-9, 21:03):
Sortu alderdiko bozeramaile Hasier Arraizek “akats” gisa definitu du Berasteguik euskaraz ez jakitea. Ikusi Radio Euskadin egin dioten elkarrizketaren pasartea.
Gaiaz galdetu diote Berasteguiri berari eta El Mundok jaso duenez, zuzendari berriak adierazi du “eskuzabalak eta irekiak” izan behar dugula “Euskadi naturaltasunez Europan egon dadin”.
Donostiako Udalak El Diario Vascori adierazi dionez, euskarak 2016ko proiektuaren ardatz izaten segiko du. Udalak gogora ekarri du kultur hiriburuaren bulegoan langile guztiek dakitela euskaraz, aholkulariren batek salbu.
3 Iruzkin
[…] Boligrafo gorria. Argia […]
‘Lotsa!’ diote batzuek, nik auzo-lotsa diot: udal, aldundi eta jaurlaritzak ematen didatena. ‘Egokiena’ ere badiote. Egokiena, gaztelaniadunen artean: zenbat hautagai potentzial geratu ote da aurkeztu ere egin gabe, gaztelaniaz ez zekielako! Hara! Derrigorra bata, hautazkoa bestea!
Seguru nago, gainera, Espainiako gobernuak kontrako botoa emango ziola gaztelania bako hautagai bati; alegia, gure gertukoek euskara bakoekin egin ez dutena.
Odonostian gertatu izan balitz!
Aukera mundiala galdu dugu euskal hiztunok gure hizkuntza elementu folklorikoaz aparte, elementu profesionala ere badela erakusteko. Ez nuen Bildurengandik horrelakorik espero, eta ez nuen BERRIA edota Gipuzkoako Foru Aldundikoak hain isilik geratzea espero. Hain morroi, eta besteen hain igualak
Sinesgarritasun guztia kendu diozue gure hizkuntzari: kontu serioetarako ez; iji- aja, sagardotegirako, eta arlotekeriatako….
Baina nik nahi haunak noranahikoa, ….jakintza-hegoek …..TOKITAN !!
Berriz ere entzun beharko dugu ” qué prefieres un buen médico, o uno que sepa euskera?”