Xabi Alonsok zerbait oso inportantea iragarri du martxoaren 9an. Ingelesez. EIZIEra deika ari gara itzulpen zehatza eduki ahal izateko, baina bitartean, zurrumurru nahiko fidagarrietan oinarriturik, informatzen dizuegu Madeirara joango dela bizitzera. “Bere buruarekin berriz topo egiteko aldatuko da etxez”, baieztatu dio Beranduegiri bere laguna dela dioen baten lagun baten lehengusuak: “Alonsok bere irudi-eskubideak Madeirako enpresa bati saldu zizkionetik, ez zegoen gustura, ez zuen bere burua aurkitzen. Eta gainera komunista batzuek zabaldu zuten zergak ez pagatzeko egin zuela, dirua inportanteena balitz bezala. Oso gogorra izan da berarentzat. Orain zoriontsuago izango da”.