Garapenaren izenean, munduko espezie guztiak, salbuespenik gabe, menpeko hartu eta merkantzia bilakatu ditugu. Jaten ditugu, janzten ditugu, gozamen pertsonalerako ehizatu ala giltzapetzen ditugu, zientziaren izenean barrabaskeriak egiten dizkiegu, gure hutsune emozionalak betetzeko bere ingurunetik erauzi eta gure bizimodura behartzen ditugu… Gizakiok naturatik etekina ateratzea (elikadura, eraikuntza, medikamentuak, lanabesak, energia…) zilegia eta ezinbestekoa da, baina zein unetan galdu dugu errespetua eta bizidunak gauza bihurtu? Irudian, Mexikoko Guadalajarako zoologikoa.
Argazkia: Tras los muros
Testua: Axier Lopez
Sekulako testua, laburra baina potentea. Argia harro egon daiteke honelako argitalpenetaz, ea maizago ikusten diren!!