Irudian ikusten den bezalako ARGIA.eus-en laster-marka bat eduki nahi duzu zure Android-ean? Oso erraza da!
Android-eko Firefox eta Chrome nabigatzaileak erabil ditzakezu laster-markak sortzeko, horretarako pauso hauek jarraitu behar dituzu:
Android-eko Firefox
1. Ireki Android-eko Firefox nabigatzailea eta http://www.argia.eus/ helbidera joan.
2. Firefox-en menuaren botoia sakatu.
3. Menuan “Orria” aukera sakatu.
4. Menuan “Gehitu hasierako pantailan” aukera sakatu.
Zure hasierako pantailara itzultzean ARGIA.eus-en laster-marka agertuko zaizu. Horri esker ARGIA.eus bisitatu nahi duzunean nabigatzailean idazten aritu beharra saihestuko duzu.
Android-eko Chrome
1. Ireki Android-eko Chrome nabigatzailea eta http://www.argia.eus/ helbidera joan.
2. Chrome-ren menuaren botoia sakatu.
3. Menuan “Add to home screen” aukera sakatu (gazteleraz badaukazu “Añadir a pantalla de inicio”, frantsesez berriz “Ajouter à l’écran d’accueil”).
4. Ikonoaren azpian agertzea nahi duzun testua hautatzeko aukera izango duzu jarraian. Sakatu “Add” (“Añadir” / “Ajouter”).
Zure hasierako pantailara itzultzean ARGIA.eus-en laster-marka agertuko zaizu. Horri esker ARGIA.eus bisitatu nahi duzunean nabigatzailean idazten aritu beharra saihestuko duzu.
Momentuz Android-eko Firefox eta Chrome-rekin bakarrik egin daitekeela uste dugu baina estandar ireki batean oinarritzen denez etorkizunean gainerako sistema eragile eta nabigatzaileetan ere funtzionatuko du. Ez da laster-marka soil bat, web aplikazioak aplikazio natiboen mailan jartzeko bidean ematen ari diren berrikuntzen izebergaren punta da. Horri buruzko azalpen gehiago nahi badituzu iametza interaktiboaren blogean aurkituko dituzu.