Albako haizeak
Eskoziarrek, irailaren 18an, galdera bati erantzun beharko diote: Eskoziak estatu independente bat izan behar du? Blog honetan prozesu honetako gora-behera guztiak jorratzen saiatuko naiz, Euskal Herrian izan dezakeen eraginarekin ere lotuz.
Azken bidalketak
Iruzkin berriak
- Aitor Agirrezabal(e)k Soberania defizita bidalketan
- Xabier(e)k Soberania defizita bidalketan
- iker(e)k Euskal doinuak Edinburgon bidalketan
- Kalea da erronka | Albako haizeak(e)k Independentziarako hedabideak, hedabideentzako independentzia bidalketan
Erreferendum demokratikoa?
Atalak: Eskozia
Asko irakurri dut azken aste hauetan erreferendumak suposatzen duen demokrazia ereduaren inguruan. Bi alderdien arteko telebista debateak ikusi eta hedabide edo sare sozialetan goraipamen pila Erresuma Batuak erakutsi omen duen heldutasun politikoari.
Ez nentorren bat baieztapen hauekin. Egia da, erreferenduma sekulako aukera dela demokratikoki eskoziarrek zer izan nahi duten erabakitzeko, demokratikoki euren etorkizuna eraikitzeko, baina jokoa demokraziatik gero eta gehiago aldendu da. Azkena, atzo. Sunday Times egunkariak azaleratu zuenez, Baiezkoa lehen aldiz agertu da inkestetan aurretik. 51% independentziaren alde, %49 Erresuma Batuan mantentzearen alde. Eta Londres urduri ipini da.
David Cameron, premier britaniarra
Ez ziren 12 ordu pasa eta George Osborne EBko finantza ministroak, BBCri eginiko adierazpen batzuetan, datozen egunetan botere eskaintza berri bat proposatuko duela iragarri zuen, Eskoziak ezetz bozkatzekotan, noski. Bi urte dira erreferendumaren data ezagutzera eman zenetik. Eta 10 egun soilik geratzen direnean tamaina honetako proposamen bat luzatzea debate demokratikoaren zantzu guztiak desegin ditu. Are gehiago, jendea posta bidez bozkatzen hasi denean.
Aspalditik espero zen David Cameronen azken mugimendu bat, baina inongo lotsarik gabe, galtzaile ematen dituen lehen inkestatik ordu gutxitara, bozka eman behar dutenak horrela nahasten saiatzea oso “demokrazia” arraro batena da. Txukun esatearren. Premier britainiarra ez da kanpainan gehiegi azaldu, baina denek argi zeukaten azken uneko mugimenduren bat egingo zuela. Ez noski Eskozia “salbatzearren”, baizik eta bere burua sorbalda gainean mantentzearren. Eskoziaren independentziak bere gainean izan dezakeen kostu politikoa neurtezina izan liteke eta.
Eta hau nahikoa ez baldin bada, galdetu lagun irlandarrei, edo Margaret Thatcher oraindik pairatzen ari den Glasgowko jendeari, zein den Londresen demokrazia maila.