Euskal Literatura Numerotan
Luis Alberto, 'Amatiño' Aranberri
1975eko azaroaren 30
Durangoko Liburu eta Disko Azokari buruzko informazioan barrena aipatu zen bezalaxe, liburu erabat interesgarri eta garrantzitsua gero, Ibon Sarasolak azken honetan eskaintzen diguna.
Lan objetiboa, ezein guti bezalakoa. Ibonek estadistika eta portzentaien hoztasunaz euskal literaturaren ikuspegi kuantitatibo bat azaltzen du, irakurleari nork bere ondorioak ateratzeko aukera utziz.
Azterketarako muestrak biltzean, hiru epe hautatu ditu egileak, epe bakoitzeko bi urte kontutan hartuz: gerraurrekoa (1934-35), gerraondokoa (1962-63) eta gaur egunekoa (1972-73).
Hitzaurre labur labur baten ondotik, Liburu Produkzioa, Euskal-Liburugintzaren gai-klasifikazioa eta bere eboluzioa eta Idazlegoaren Estruktura epez epe gonbaratzen ditu, epe bakoitzeko ezagugarriak, literatur sailen abiada, idazleen estatua, adina estudio mota eta beste hainbat xehetasun elkarri parekatuz.
Hasiera-hasieratik nahiz gainerako kapituloetan, Ibon zein material eta kriterioz baliatzen ari den aipatuz doakigu, datook eta berauek sortarazten dituzten ondorio garfikoak hogeita hamar koadrotan adieraziz.
Euskararen Batasunaren Egoera eta Euskal Literatura Zaharreko Liburugintza direlakoek osatzen dute gure artean antzekorik ere ez duen lehen saio hau. KRISELUk argitara eman duen liburuxka hau, inork laburtu eta aipatzeko baino irakurle bakoitzak nork bere azterketa egiteko gehiago da.
Gure aldetik pare bat koadro azaltzen dugu, kazetari lantxo honek tokiz eta helburaz bere mugak dituenez gero. Bata hiru epeok elkarrekin parekatzén dituena geuk egindako montaje bat da, zenbait dato adiaraz-erraz han hemenka bilduz. Bestea, euskararen batasunari buruzkoa, egileak burututako hogeita hamar hoitatik aukeratutako bat da, hauzi konkretu horretan guztiz esankorra delakoan.