Gazte talde bati elkarrizketa
Gazteak Gara
Herri honetan ere besteetan bezala, baditugu gure arazoak, baina behar bada orain arteraino beintzat, bakoitza geure aldetik ibili gara, eta horrela ez dago erantzun jator bat ematerik gure problematikari.
Jakin dudanez, ba da gazte talde bat, aspalditik zerbait egin nahirik dabilena.
Horregaitik nere jakin-nahiak bultzata eta talde honen asmoak herriari agertu nahirik, beren biltokira azaldu naiz.
Harrituta gelditu naiz leku hau ikustean, ez bait dut ezagutu ume nintzala hainbat jolas egin nuan kantzel zaharreko gela ilun hura... Horrelako dotore ipintzeko hartu dituzten lanak ikusiaz, aurrerako asmo handiak izango dituztela derizkiot.
Nere nahiak agertu ondoren, heldu diogu alkar-hizketari.
G. Zerek bultzata ekin zenioten lanari?
E.–Beharbada lehendabizi bakoitzak geure problema batzuei erantzun bat eman nahirik elkartu ginan, geure jakin-nahi batek, geure osatu-nahi batek bultzata. Baina laster konturatu gara gure arazo hauek gizarte osoarenak direla eta erantzuna ere herri mailan, gizarte mallan, eman behar diogula edo saiatu egin behar dugula behintzat.
G.–Zertan finkatzen da zuen helburu nagusia?
E.-–Gazteen balore denak, ahal dugun alde guztietatik ilartu eta indartzen joan, heziketa oso batera iristeko.
G.–Noren babesean sortutako taldea da? Nork utzi dizute lokal hau?
E.–Lokal hau Parrokiarena dugu eta bere babesean dagoen elkarte bat izango da. Gu gazteok izango gara arduradun.
G.–Aspaldi honetan euskal-jakintza alderdia ilun xamar dagoela nabari dugu Azkoitian, alde honetatik ezer egiteko asmorik ba al duzue?
E.–Bai, elkarte honen barruan talde berezi bat izango da alderdi hau, landuko duena. Badago zer egina eta asmoak ugari ditugu, geroak esango digu egi bihurtzen diran ala ez.
G.–Beste zerbait egiteko asmorik bai ahal duzue?
E.–Lehenago Euskal-Jakintzarekin esan duguna bezala, beste talde batzuek ere sortzeko asmoetan gara, horrela bakoitzak gogozko duan bidetik lana egin dezan, Arte (margoketa, musika, argazkia etab.), Zine Forum, Kirol etab.
G.–Kanpora begira noiz hasiko zerate?
E.–Esan genezake lehendabiziko urratsa emana dugula. Igaro dan astean hitzaldi bat antolatu genduen, sendagile ezagun batek drogari buruz hitzegin zigun eta gazteak ondo erantzun zuten. Udazkenerako beste gauza batzuek pentsatuak ditugu; gazteen aste bat, herriko gazte batzuen arte-lanen erakusketa, hitzaldi batzuek etab.
G.–Elkarte hau talde txiki batentzat izango al da, ala nahi duten guztiak izanen dute sarrera?
E.–Gaurko gizartean gero eta gehiago ikusten da elkartutako lan baten beharra, gainera hasieran agertu ditugun asmoak aurrera eraman nahi baditugu, ezin gera talde txiki batean geldi. Gure Elkartearen ateak, nahi duten herriko gazte guztientzat zabalik izanen dira.
Oraindik luzaroan jardun genduan hizketan, baina uste dut agertu danarekin garbi ikusten ditugula Elkarte honen asmo nagusiak. Txalogarria benetan egin nahi duten lana. Herriko gazteak erantzun jator bat emango diogulakoan nago. Ez ditezela behintzat beste asko eta asko bezala laguntza ezean gal.
KEZKA
8
GaiezGizarteaAdin sektorGazteriaMugimenduak
EgileezKEZKAGizartea
