Parrokia Arteko Laguntza Erakundea

Eibar
Parrokia Arteko Laguntza Erakundea
Erderaz "Ayuda interparroquial" izenez ezagunagoa dan erakunde hau agertu nahi deutsagu oraingoan irakurleari. Erakunde honek egiten daben lana, oso probetxugarri dala uste dogu, eta zer dan, zer egin daben eta zer helburu daukan jakitea komenigarri.
Felix Bergara apaiza, erakunde honen eragile printzipalenetakoarengana jo dogu, informazino bila.
Noiz eta nola sortu zan gure erakunde hau ?
Ermuan, 1968-ko udabarrian, huelgan egozen langileetatik batzuk kalera bota zituen. Hau dala eta, laguntza eskabide bat egin zeuskuen H.O.A.C.-aren bidez. Igande batetako meza guztietan bat kolekta bat egitea pentsatu zan. Artean, jakineko diran estuasun larriok hasi barik egozen. Baina horrelako kasuak, gehiago be egongo zirela-eta instituzionalizatzea pentsatu zan eta kaxa bat eratu.
Zein dira bere helburuak?
Sozial eta politika-burrukagaitik –huelga, lantegietatik botatze, gartzelaratze, herbesteratze..–, familietan sortzen diren premiei, nolabait erantzutea; bai diruz eta bai larrialdiotan gure elkartasuna erakutsiz.
Baina gure asmoa ez litzateke bete-betea izango, hori bakarrik egingo bagendu. Gure asmoa haruntzago doa; jendea bere lozorrotik atera nahi da, politiko eta sozial problemaren kontzientzia hartu daian, izpiritu zabal baten barruan. Honetan be, zerbait egin izan da, hitzaldi eta ikastari laburren bidez; ea aurrerantzean be, jarraitzekotan gara.
Nork zuzentzen dau erakunde hau?
Elizako mugimenduetako sekular talde batek osatzen dau zuzendaritza batzorde ofiziala, apaiz bat be aldeko dabelarik, orain, ni neu. Baina erabagiak kolaboratzaile guztien artean hartzen dira. Praktikan ba, laguntzaile batzarraren esku dago zuzendaritza.
Zelan egiten dira diru-botzeok?
Elizan, hasi ginanetik, lau kolekta egin dira jaiegunetan; eta hilero, fabriketan, kalean, lagunartean, parrokietako seilu bat daroen txarteltxo batzuen bitartez.
Zenbat diru batu izan da hasieratik, zenbat lapuntza eta zein lekutara emon izan dira?
Hasi ginanetik 1.500.000 ptatik gora. Danera jota, seirehun laguntzaik gora emongo genduzen, gehienak Eibarren zabalduak, baina herritik kanpora be bidaldu izan dogu, Zumarraga, Bilbo, Gernika, Zarautz, Hernanira...
Euskal Herritik kanpora, bidaldu izan da inoiz laguntasunik?
Mundu guztiko herrien burrukak eta zanpaketak be sentitzen ditugun seinale, laguntza sinboliko bat bidaldu zan Granadara, Viet Nam edo Bretañara bidaldu geinken moduan. Baina erakunde honen eginkizuna, hemen dago, gure lur honetan, eta gure herriaren zerbitzuari lotua.
Flizak, eginkizun horretan jarduteari, ez deritzazu klerikalismo oportunista baten kutsua deukanik?
Lehen be esan dot, erakunde honen zuzendaritza praktikoa, erabagitzailea esango geunke, meta guztietako laguntzaileek hilero egiten daben biltzarra dala.
Ez dot ukatzen, txarteletan agertzen dan parrokietako seiluak, propaganda apur bat egiten deutsanik Elizari. Baina ohartu gaitezen zirkustantziak kontutan hartu behar ditugula. Hona zergatik, hartu daben Elizak erakunde hau bere babespean:
Edonor konturatuko da, horrelako ekintzak, ezetariko babes ofizialik gabe, efektibidade gutxiago eta arrisku bat be ba daukala.
Baita elkartasunik eza eta taldekeria garaitzeko be. Horrela egiten dogu posible, ekintza hau iraunkorra izan daitean. Baina, seguru, biharko egunean, ekintza honek beste estilo bat eukiko leuke.
Felix, lotsa be emoten deust, gauza hauek galdetzeko preminarik ez litzateke egon hehar eta. Iritzi bateko nahiz basteko, fededun nahiz gabeko, nahiz komunista izan, berdin laguntzen jako?
Ekintza hau, herri osoaren zerbitzurako da, nahiz fededun, nahiz ateo. Gaur egunean, garbi ikusten da hau. Ebanjelioaren argitara, ateoa izan arren, munduaren askazioaren alde lan egiten badau, Kristau Erreinua prestazen dago, Jaungoikoaren Izpirituak bultzatuta dihardu. Beraz ideialogia gorabehera, danei laguntzen jake berdin, beren premien arauera.
Zer eskatuko zeunskio Eibarko herriari?
Ba, segi daiala etenik gabe laguntzen, barealdietan larrialdietan bezala.
Beste herriren batzutan be, egiten da ekintza honen antzekorik?
Gipuzkoan, ba dakit Donostia, Goierri eta Hernanin egiten dala. Elgoibarren be zer edo zer egin izan da. Beste herrialdetako berririk ez dakit.
Eskerrikasko Felix, zure erantzunegaitik. Eta Jarrai daizuela orain arte bezala, kementsu, herriaren aldeko ekintzotan.
S. BASAURI
13

GaiezGizarteaErlijioaEliza katolBesteak
PertsonaiazBERGARA1
EgileezBASAURI1Gizartea