Arantza Esnaola soinujoleari elkarrizketa
Arantza Esnaola Txapeldun
Arantza Esnaola, Beasain-go neskatxa gazte bat dugu. Hogei urte ditu eta makinatxobat sari ba ditu bereganatuak soinulari bezala. Azkenekoa Paris-en irabazi du Santa Luzi egunez. Ohorezko mailan jokatu behar izan zuan hogeien artean txapeldun geratu da. Horregatik horrialde hauetara ekartzea, gauza egokia zait eta ikus ditzagun bere iritzi batzuek, nik egin dizkiodan galdera batzuen erantzun bezala.
–Arantza, jakin dudanez, Paris-en txapeldun geratu zera zure mailan. Esango al zenizkidake txapelketa horren xehetasunak?
–Txapelketa hau, Europa-ko Soinu Batzarrak antolatu zuan. Banaka jotzen genuenen artean, 22 talde egin zituzten. Ni Ohorezko taldean sartu ninduten. Nere taldean 20 soinujolek parte hartu genuen. Ez dakit, txapelketa hau urteoro egiten dan edo ez. Nik lehenengo aldia nuan. Frantzia-n, Eguberrietarako antolatzen diran jaialdien tartean sartua zegon eta berteko Eresbatzarrak babesten zuan.
–Aurtengotaz at ere, ba dakit beste txapelketa askotan saritua izan zerana. Esango al didazu, zeintzuk izan dira zuretzat, orain arte irabazitako saririk garrantzitsuenak?
–Holanda-n orain dirala bi urte, Europa-ko semiprofesionalen txapeldun irten nintzan. Urte berean, Madrid-en, profesionaletako bigarren geratu nintzan. Lehendabiziko saria berriz, Donostia-n atera nuan eta urte berean Pasai Antzio-n beste lehendabiziko sari bat. Askeneko hauek orain lau urte. Beste batzuek ere ba ditut, nahiz eta ez irabazi. Beti ez bai dago irabazterik!
–Bai, halaxe da. Baina oraingoan irabazi duzu eta ikusten dugunez, Europa-ko txapeldun handi bat zera. Ez da aurtengoa bakarrik, lehendik ere goiko mailako soinujolea zaitugu. Zenbat urteren buruan lortu duzu zure oraingo maila?
–Zazpi urtekin hasi nintzan solfeoa ikasten eta hamaikakin soinua. Beraz geroztikakoak hortan daramazkit.
–Nortzuk izan dira zure Irakasleak?
–Solfeoa Karmelitetako Ikastetxean hasi nintzan ikasten, lekalmeekin eta gero Gema Unzueta-rekin jarraitu nuan. Soinua berriz, Tolosatar, Mª Luisa Irastorza-k irakatsi zidan eta azkenik Ludiko txapeldun dan Migel Bikondoa-k.
–Entzunik nago, zerorrek ere irakasten duzula. Nortzuei?
–Ikastolako haurrei; bi talde zaharrenei. Etxean berriz nahi duten guztiei. Hogei bat ikasle ditut etxean, adin eta maila askotakoak.
–Soinu irakasketa, bizibide bihurtu al liteke gaur egun?
–Irakaskintzatik errezago, bizi leike jo-aldietatik baino. Txapelketek ez dute ematen bizitzeko. Soinujole Profesionaltzaz berriz, ez dut hitzegiterik, egin berria bai naiz. Nolanahi ere, azkenaldi honetan jaialdiak asko gutxitu dira eta...
–Euskalerrian zehar egiten diran jaialdietara, deitzen al dizute?
–Lehen bolara batean bai. «Ez dok hamairu» taldekoa nintzan eta ondo ibili ginan. Orain ordea jalaldiak egiteko jartzen diran zenbait eragozpenekin eta abar... gutxi.
–Eta erbestekoetara?
–Ez. Konkursostara bakarrik.
–Diskorik egin behar al duzu?
–Ez dakit. Oraindik ez dut erabaki.
–Zein da gaurkoz, zure helburu nagusia?
–Ikasten jarraitu eta ahal dudan urrutieneraino heldu.
–Munduko txapeldun izatera?
–(Parre egiten du eta ez dit erantzuten) .
–Zer konseju emango zenieke, soinua ikasten asten diranei?
–Ez aspertzeko eta gelditu gabe jarraitzeko.
–Besterik ezer, ZERUKO ARGIAren irakurleentzat?
–Nigandik ezer nahi duanak etorri besterik ez duala. Deitu eta gustora joango naiz edozein jaialdi edo bestelako jo-aldi batera. Eta Eskarrikasko.
–Ez horregatik eta Agur.
Beraz, honetan amaitzen dugu gure elkarrizketa. Gaurkoz, gure herriak duen mailarik goreneko artista dugu. Zorionak Arantza eta ludiko txapelduna iristeko zoria izan dezazula. Hala opa dizugu Beasain-dar guztiok.
MURUMENDI
ARANTZA ESNAOLA BERE SAIOETA BATEAN
7
GaiezKulturaMusikaMusika tradBesteak
PertsonaiazESNAOLA2
EgileezMURUMENDI1Kultura
