Lekeitioko Gaztedi Klub'eko lehendakariari, Jesus Mª Barainkari elkarrizketa
Lekeitio
Gaztedi Klub
Jesus Mª Barainka da Gaztedi Klub'ko lendakaria; gabeko amarretan gizarte etxeko gela txiki baten aurkitu dot kontu ta paperez beteta mai ganea. Erriko jaIak urreratuaz lana geituten da, ze jai asko dira Gazteri Klub'rek antolatuta. Beren borondate guztiagaz erantzuten dau gure itaunari agertu nairik bere erriko gaztediari.
–Esan Jesus Mª noiztik dago Lekeitio'n Gaztedi Klub?
–Abenduan egin ziran lenengo batzarrak eta eskabideak, baña uda berrira arte ez zan ezer egin, uda berritik onakua da egin dan guztia.
–Zertako egin da Gaztedi Klub?
–Jakintza, Kirol eta Jolasketan egiteko gaztediaren alde.
–Da ordutik ona zer egin da?
–Ba lenengo ta merkien urtengo zala ta egin zan ostiko joko txapelketa bat, astero astero igandetan goiz ta arratsaldean ondarrean eta aldi baterako eukaun Larrotegi'ko zelaIan, txapelketa onen azkena izen da Kepa deunaren jai aurrean.
–Ta arrezkero zer egin da?
–Kepa deunaren Jaietan egin genduzan jai batzuk danentzako egokiak.
–Ta oraiñ erriko jai nagusiak etorrikeran zer egiteko asmoan zagoze?
–Badaukaguz esku artean gauza batzuk, marmitako ta dantza solteko sariketak, ariñeketan ta igeri neska ta mutillen laisterketa, neskatillen ostiko jokoak, txistularien ibillialdiak, euskal jai aldi bat frontoian gazteen txokolatada bat goizaldian, bertsolariak eta abar.
–Gauza onek egiteko nundik ataraten dozue diru ori?
–Udaletxeak lagunduten gaitzu ta denda ta lantegiak be bai.
–Esan dozu frontoi berrian jalaldi bat; esan badaukazue frontoi ortan ze ikusirik?
–Frontoi ori erriena dalako eukiko dau batzorde bat eta batzorde ortan izango gera, baña frontoi orretan doiaz indarketa leku eder bat eta itxasgañean xapalda, balonzesto ta tenis'ko lekuagaz, uste degu gure alkartasunaren ardurapean ipiñiko dabela.
–Oraiñ ez daukazue orretarako lekurik?
–Bai ta ez, Portalian daukaguz tenis eta balonzesto lekua baña udan berebillen itxilekuak dira, ta ostiko joko zelaian asi dira ikastetxe bat egiten (instituto de enseñanza media).
–Orduan orain ez daukazue zelairik?
-Ez baña ez jako ardurarik ze bearrezkoago da instituoa.
–Zeintzuk dira zuen egin naiak geroko?
-Jaiak amaitutakoan egingo dagu batzar nagusi bat, eta an erakutsiko da egin dan guztia ta artuko dira erabagiak, egingo dira talde batzuk kiroletarako ta jakintzarako, gure oitura zarrak zainduteko ta gaztediaren batasunerako, onartuko doguz antzerki, dantza, abesti ta beste talde batzuk baña astiro, astiro ze ezin geinke danak batera egin, erosi degu 6 motxilla ta 2 Kamping gure gazteentzat; ganera daukagu leku egoki baten beharra; oraingo gela txikiaren ordez bear degu leku aundi bat danon jolasketarako.
Orretarako bidean zagoze Jesus Mª ta laquntzalleak eta danen laguntzagaz lortuko dozue bide ori ez itzi gorengo mallara eldu arte.– ZORIONAK.
J.L. DE LA TORRE
11
GaiezKirolaBesteak
PertsonaiazBARAINKA1
EgileezDE LA TORR1Kirola