‘Inklinazioa’ berriro biluztuko dute
1616an Artemisia Gentileschik biluzik margotu zuen Inklinazioaren alegoria. 65 urte geroago koadroa Florentziako Buonarroti Etxeko sabaian zegoen, eta Michelangeloren biloba Leonardo Buonarrotik Inklinazioa estaltzea erabaki zuen, lizuna omen zelako; oihal batzuk margotu zizkioten.
(argazkia: Andrew Medichini)
Egun, teknologiek oihalak kendu eta originala berreskuratzeko aukera ematen dute, eta horrek eragiten duen dilemari irtenbide bikoitza ematea erabaki dute errestauratzaileek: jauregiko sabaian bertsio estalia jarri dute berriro, "itxura horrekin lortu duen balio historikoari eusteko"; baina digitalki oihalak kenduko dizkiote eta bertsio biluztu birtual bat ere egingo dute, Inklinazioa Gentileschik margotu bezala ere ikusgai egon dadin.