Frantsesez, marchand d’ail esamoldeak “baratxuri saltzailea” esan nahi du, literalki, baina fruta eta barazki saltzaileak orokorrean izendatzeko erabiltzen zen.

XIX. mendearen amaieran Parisko frutariek jertse berezi batzuk jantzi ohi zituzten eta, marchand d’ail laburtuz, jantziari chandail esaten hasi zitzaizkion. Oso erosoa zenez, kirola egiteko erabiltzen hasi ziren eta, jertseari ez ezik, kiroletako galtzei ere txandal esango zioten aurrerago. Bereziki azken bi urtetan, kirola edo beste ezer ez egiteko oso erosoa eta aproposa dela frogatu du txandalak.