Hurrengo urteetan taldeak eremua ikertzen jarraitu du eta duela 1.700 eta 500 urte arteko beste 1.000 objektu inguru topatu dituzte. Aurkikuntzak ondorio interesgarri eta positiboa izan du, jakinarazi beri dutenez: inguru haietatik orain arte ezezaguna zen merkataritza bidea igarotzen zen, 1.200 urtez bikingoek erabili zutena.

Baina aurkikuntzaren arrazoia bera ez da batere positiboa: Lendbreen glaziarra urtzen ari delako azaleratu zen tunika eta horrek erraztu du gainerako objektuak aurkitzea. Hau da, klima aldaketari “esker” dakigu merkataritza bide horren berri.