Margo ederdun enziklopedia

Timus Mas argitaraldiko Juliá ta Todari elkarrizketa
Albisterik Onena
Margo ederdun enziklopedia
Berri on bat gugana eldua zan azken aldi onetan, bainan egia esan, sinistu eziñezkoa zirudin. Guziok genekigun gauza zan onelako egoerak goiz edo berandu sortu bear zuala, onela erabat jakitean arrigarria egiten zan ordea.
Bai, jaunak, bai. Gure euskera plazara aterea da benetan, ta gure gana eldu zan berria, katalandar argitaldari bat euskerazko liburu ederrak argitaratzekotan ote zan, izandu zan. Nolabait beren zuzenbidea lortu ta bertara zuzentzea izango zala egokiena pentsatuaz, ona emen jaun oiekin zuzenez jakin genduana.
Gure asmoa agertzean, Donostian duten Sanjose jaunak, Timus Mas argitaldariko Juliá ta Toda jauna aurkeztu ondoren pozik adierazi zigun egia zala bai, euskal neska-mutillak (eta ain neska-mutillak ez diranarentzat ere) beti amets egin izan duten liburu ederrenak euskeraz eskuratu al izango dituztela.
–Au asmo eder uts batean geldituko da ala egiz kalean ikusiko dugun gauz batean biurtuko da?
–Orain artean bai, asmo utsa izandu da, bainan gaur egun ba dugu esatea, oso egun gutxi barru lenengo liburua ezkuratzeko moduan izango dala.
–Liburu bat baño geiago al dira ba?
–Bai. MARGO EDERDUN ENZIKLOPEDIA izendatu dugun kolerio onek 15 liburu izango ditu, denak margo ederrenarekin apainduak eta liburu bakoitzean gai batez sakonduaz.
–Ze gai ikutzen dira?
–Aurrak maite dituzten danak: egazti,txori, abere, Apirikako oitura ta erri aldeak, izadi, olagintzak, denak dute sarrera liburu auetan.
–Pentsatzen dut ondo burututako liburuak izango dirala?
–Bai orixe. Aski duzu jakitea, liburu auek oraindik ez dirala urte asko HACHETE Paris'ko argitaldariak ezagun arazi zituala, ta dagoaneko ingeles, italitar, jermandar eta aspaindar izkuntzetara itzuliak izan dirala. Ez alperrik Hachete etxe au da, denok dakigun bezela, pedagogo sail eder baten lanak izatean, prantzi guziko aur liburu ederrenak argitaratzen dituena.
Liburu auek, neska-mutillen jakin egarria asetzeko egiñak daude, margo askorekin eta berak maite dituzten gaiak kontu aundiakin erabilliaz.
–Baldintza oiek bete bear dituzten liburuak ez al dira ordea gareztitxoak aterako?
–Oi gerta ez dedin era egoki batean egingo dugu zabalketa. Batetik arpidedun eran, geiago geraztitu ez dedin, eta bestetik bi iru illabetetik bein atereaz dijoaztela, illeko 100 pezetarekin konturatu gabe libururik edenen jabe ikusiko dira.
–MARGO EDERDUN ENZIKLOPEDIA'z gañera beste zerbait egiteko asmorik ba-al duzute?
–Ipuirik zoragarrienak agertu al izateko, baimenak oraintxe eskatu berri ditugu. Era ortako ipuiak ez dira oraindik Espanian ezagutzen, onela bada españolez ta euskeraz era bat agertzean, errez uler diteken bezela, erarik merkienean euskal neska-mutillak munduko ipui liburu ederrenak eskuratu al izango dituzte.
Gauz geiago ere ba darabilzkigu esku artean gero euskeraz agertzeko asmotan, eta poztuko gera oiek ere asmo bat izatea utzi ta laister egi biurtzen ba dira.
–Ala izan dedilla Juliá jauna, zuek aña gu ere poztuko bai gera. Eta asmo oiek guziak aurrera eramatearren ez dizuet geiago galerazi nai nere galderarekin, bakar-bakarrik ZERUKO ARGIA'ko orriak eskeintzen dizkizuet iñoiz zarbait esan nai dezutenerako.
–Gaurkoz gauz bakarra esan dezakegu, euskerazko agerketa auekin ekitean: alegia, gaur ereintzen dugun azi au, laister zugaitz aundi ta eder biurtu dedilla, batez ere Euskeraren onerako.
Benetan albiste ederra lortu dutan poztazunarekin gogor agurtu nituen, laister arte esanaz, buruan pentsakizun onenak eta arpagian alaitatasuna aundiena naramala.
JOSEBA
11

GaiezKulturaArgitalgintArgiteletxeTimus Mas
GaiezKulturaArgitalgintArgitalpenaLiburuakEntzikloped