Ordura arte medikuek belarria pazientearen bularrean jarrita egin ohi zuten lan hori, baina Laennecek, lotsatuta, onartezintzat jo zuen metodo hura, gaixoaren “adina eta sexua” zirela eta. Orduan, bere koadernoa bildu, hodiaren mutur bat gaixoaren bularrean jarri eta bestea belarrira hurbildu zuen.

Medikuak berak idatzi zuenez, “Asko harritu eta poztu nintzen, bihotzaren jarduna belarria zuzenean jarrita baino askoz modu garbiagoan antzematen nuela konturatu nintzenean”. Eta horrela, ezustean, estetoskopioa asmatu zuen.