Oporretako ameskeria

  • Uda honetan jazotako hainbat gertaerek aditzera eman dezakete kasik mundu guztiak izan ditzakeela oporrak eta egin dezakeela turismoa.

Juan Mari Arregi
2017ko irailaren 03a

Eredu turistiko honen kontrako kanpainek, jendez lepo dauden aireportu eta geltokietako irudiek, hirien traza hartu duten hondartzek… hori pentsatzera garamatzate. Eta gainera, gisa horretan beste mezu bat ere zabaldu da: krisi ekonomikoa gainditzen ari garela. Baina errealitatea egoskorra da, eta datu estatistiko ofizialek gezurtatu egiten dute.

Egia da milioika lagun mugitzen direla eta gozatzen dutela oporraldiez turismoa egiten. Bai, baina biztanleriaren zati txiki bat baino ez dira, eta ia beti pertsona berak dira udako, Gabonetako edo Aste Santuko atsedenaldiak izan ditzaketenak. Askoz gehiago dira langabezia, pobrezia, gosea eta bazterkeria soziala sufritzen dutenak. Agintean dagoen sistema kapitalistak sorturiko desoreken ondorioa da. Europar Batasuneko hiru herritarretik batek, %32,9ak, ez zuen aukerarik izan 2016an astebeteko oporraldia ere hartzeko, are gutxiago bera bizi den tokitik kanpo, Eurostat estatistikarako bulego komunitarioaren arabera. Espainiako Estatuaren kasuan %40,3ak eta Frantziakoarenean %23,4ak. Populazio horren artean miseriazko nominak dituzten pentsionistak, emakume langabetuak, gurasoen etxean bizi diren bikotekideak, langile prekarioak eta immigranteak daude.

Zenbaki handietako ekonomia, enpresa handi eta multinazionalena hobetzen ari ei da, Burtsaren mundu birtualaren gisan. Enplegu prekarioaren eta izoztutako pentsioen bizkar, haatik. Azken batean, egungo sistema kapitalistak sortu duen desoreka estrukturalaren beste ondorio bat da hau. Oporraldi eta turismoaren kontua ameskeria baino ez da. Krisiak jarraitzen du betikoak zigortzen.

Kanal hauetan artxibatua: Ekonomia  |  Turismo masiboa

Ekonomia kanaletik interesatuko zaizu...
2018-02-25
'OxyContin' epidemia AEBetan: gure medikuak bihurtu gaitu jonki

Droga epidemia berriaren biktimak ez dira ghetto txiroetako gazte baztertuak. Oraingoan eltxoak pozoiarekin bezain ugari erortzen direnak dira langileria eta klase ertain zuriko seme-alabak, auzo estandarretakoak, etxe txiki baten eta bi autoren jabe diren gurasoak, zaharrak bezala gazteak. Edozein klasetako oinazeri aurre egiteko agintarien bezala medikuen establishmentaren bedeinkapen oroz OxyContin opiazeoa hartzetik abiatuta jonki amaitu dutenak.


2018-02-25 | Juan Mari Arregi
680.000 pentsionista baino gehiago

Araban, Bizkaian, Gipuzkoan eta Nafarroan 680.000 pentsionista baino gehiago dira eta horietako askok “miseriazko pentsioak kobratzen dituzte, pobreziaren langaren azpitik daude eta gehienak emakumezkoak dira”.


2018-02-25 | Miren Osa Galdona
Greba mugagabean, Alfako sirena isildu ez dadin

“Badakigu itxi egingo dutela, baina duintasunagatik gaude hemen”. Unai Arosak 24 urte daramatza Eibarko Alfa enpresan lanean. Azken bi hilabetetan ez da lantokira joan, ez behintzat lanera, protesta egitera baizik. Bera bezala, enpresako langileen erdia baino gehiago greban da. Lan baldintzez eta enpresaren arduradunek hartutako erabaki jakin batzuez nazkatuta, planto egitea erabaki dute. Baina nola iritsi da herri baten oinarri eta sostengu izan den enpresa historikoa egoera... [+]


The Eusko: The Basque local currency's fifth anniversary

This year is the Eusko's fifth birthday. This solidarity and ecology-focused local currency is used in Lapurdi, Lower Navarre and Zuberoa (the northern Basque Country, which is under French administration). It is strongly supported by both citizens and institutions, and the aim is to continue enlarging the network which uses it. To celebrate the fifth anniversary, a "great family-style party" has been organised for 4th March.


2018-02-23 | Mikel Asurmendi
Ipar Euskal Herriko eusko moneta auzibidean

Bost urte bete ditu eusko monetak. Besteak beste, Euskal Moneta elkarteak Baionako Herriko Etxearekin hitzarmena egina du monetaren erabileraren gainean. Alabaina, gure Iparraldearen begiradapeko Macron aroaren prefetak auzibidean jarri du moneta.


Estatuaren "zentsura politikoa" zapuztu du Gaindegiak epaitegietan

Euskal behatokiak jakinarazi duenez, Espainiako Estatuko Abokatutzak administrazioarekiko auzi errekurtsoak aurkeztu zituen 2013 eta 2014an Gipuzkoako Aldundiak erakundeari emandako diru-laguntzengatik.


2018-02-22 | Miren Osa Galdona
Gipuzkoako autobus murrizketen aurka 7.000 sinadura bildu dituzte

Gipuzkoako Foru Aldundiak autobus zerbitzuak murrizteko hartutako joeraren aurrean sinadura bilketa abiatu du Murrizketarik Ez! herri plataformak. Otsailaren 27an sinadurok erregistratuko dituzte eta bide batez, protesta martxa antolatu dute.


2018-02-22
"Pentsio duinen" alde milaka lagun atera da kalera Hego Euskal Herrian

Pentsioen igoera KPI kontsumo-prezioen indizeari egokitzeko eskatu dute milaka lagunek Hego Euskal Herriko hiriburuetan. 


Lehen aldiz Aiaraldean Azoka Soziala egingo da

Otsailaren 24 eta 25ean egingo da Laudion Aiaraldeko Azoka Sozialaren lehen edizioa, "Kontsumitzen duguna gara, bizitzeko alternatibak" lelopean.


ASTEKARIA
Azkenak
EGILEA
Eguneraketa berriak daude