Bagenekien zertara eta zergatik

  • Errekaleorren, elkartasun uholdean egin den kontzertu sortaren kronika.

Jon Aranburu Artano @jonaranburu
2017ko uztailaren 16a
Willis Drumond Errekaleorren jotzen. Argazkia: Dos Por Dos.
Willis Drumond Errekaleorren jotzen. Argazkia: Dos Por Dos.

Asteotan ikusi dugu: Eguraldi makurra zetorrela eta, azken momentuan –eta eztabaida luzeen ostean, ziur– EHZ jaialdiaren antolatzaileek bertan behera utzi behar izan dute urte guztian mimoz prestatzen aritutako jaialdia; erantzuna, elkartasun erauntsia herri, hiri eta beste hainbat txokotan.

Halako zerbait pasa zaigu Gasteizen maiatzaren erdi aldetik aurrera: alkateak, gau txar bat pasa ostean-edo, goiz euritsu batez ertzainek babestutako Iberdrolako langileak bidali zituen Errekaleorreko auzokideei argindarra kentzera. Hortik aurrerakoak badakizkizue.Eta honek ere, noski, sortu du beste elkartasun uholde bat.

Argindarra kentzera joan zitzaizkienetik Errekaleorreko biztanleek hainbat elkartasunezko bisitari izan dituzte, tartean gure inguruko talderik esanguratsuenetako asko: Joseba B. Lenoir, Anari, Berri Txarrak, Willis Drummond, Izaki Gardenak, Harresian Zulo… Hartuko luke Udalak halako kartela berehala izango diren Gasteizko jaietarako. Baina, zorionez, bada oraindik talonarioei irabazteko gai denik. Ezin da diruz antolatu hain denbora gutxian halako kontzertu sortarik, eta ekainean, gainera. Eta argindarrik gabe, noski!

Baina zergatik jotzen da aldarrikapen momentu hauetan zuzeneko emanaldiak antolatzera? Taula gainetik kantu eskaintzan aritzeak, zer eragiten dio entzuleari? Eta musika-taldeek ere zergatik jo nahi izaten dute halako gogoz? Behin entzun nion lagun bati taula gainera igotzea ere zerbait politikoa zela. Nola, non, zertara, zergatik, noren aurrean, zenbat aldiz, zenbat denboraz… Galderak erantzun behar dira, erabakiak hartu. Eta erabaki horietakoren bat uztarritik ateratzen denean, mugitzen da zerbait.

Errekaleorren ikusi ditugun emanaldietan ez ohiko erantzun batzuk eman zaizkie galdera horiei: Willis Drummond astelehen buruzuri batez ikustea, sarrera doan zela; Anari pozez entzutea kantuan hasterako, musikan aritzeak halako auzoak ezagutzeko eman dion aukeragatik; edo Berri Txarrak manifestazio baten amaiera ekitaldian jo eta su; edota Izaki Gardenak, atsedenean behar lukeenean, inoiz baino indartsuago.

Entzulerik gabe, ordea, ez dago ezer. Musikariek egiten dituzten galdera berdinak egin behar izaten ditugu geuk ere, askotan modu inkontzientean. Aditzea bera ere bada politikoa, noski, beraz. Joaterako, denok genekien zertara gindoazen; hura ez zen eman eta hartu hutsa.

Zertara eta zergatik ziren batzuek eta besteok erantzun genituen galderak. Eta denok ere erantzun bera izateak eragin zuen halako indar estatiko bat, agintekeriaz kendutako argindarra bueltatzerainokoa ia.

Beldurra izaten da, halakoetan, bertaratzearen zergatia ez ote den lausotuko, emanaldiak berak sortutako euforiak ez ote duen bestea estaliko. Kasu honetan, ordea, espero dezagun –hala nahiko nuke– errekak egingo duela bere bidea, bide luzea.

Kanal hauetan artxibatua: Kontzertuak  |  Errekaleor

Kontzertuak kanaletik interesatuko zaizu...
Senide eta lagunak ere, preso

Arabako presoek bizi dituzten salbuespen-egoerak eta eskubide urraketak mahai gainean jarriko ditu Askerock jaialdiak; Willis Drummond, Esne Beltza edota Riot Propaganda izango dira urriaren 21ean Gasteizko Mendizabalan. 


2017-10-09 | ARGIA
Abenduaren 16an egingo dute XXI. Hatortxu Rock

Astelehen honetan aurkeztu dute abenduaren 16an Atarrabiako oholtza gainera igoko diren taldeen zerrenda. “Zuek gabe… etenik ez!” lemapean egingo dute elkartasun jaialdia.


2017-10-04 | Andoni Mikelarena
PiLTren azken kontzertua ostiral honetan EHZk antolatuta

Zea Mays, PiLT, Anestesia eta Biarritz Dance School taldeak igoko dira oholtza gainera. Ezpeletako merkatu estalian egingo dute jaia arratsaldeko zazpietatik aurrera.


Euria eta debozioa

Udako Musika Hamabostaldiaren ondoren, baditugu udazkenean hainbat musikaldi interesgarri han eta hemen. Hauetako bat Zumarragako Antioko Musikaldia da, aurten 34. edizioa ospatzen duena. Urtez urte publikoa gerturatzen da Antioko Baseliza ederreraino bake momentuez disfrutatzeko.

Beste garai batzuetan nazioarteko artistak etorri izan dira, baina, imajinatzen dugu azkenaldiko krisia dela eta, urte hauetako edizioetan gure inguruko artistek osatzen dituzte ondo pentsatutako egitarauak. Halaxe... [+]


2017-09-24 | Andrea Zubozki
Koban hiria

Koban taldeak emandako kontzertuaren kronika: Irailaren 9an, Zarauzko Euskal Jaietan. Hurrengo kontzertua: irailaren 23an Sopelan.


Ia emakumerik gabeko edizio baten ondoren, ARFek Joan Jett baieztatu du 2018rako

Joan Jett & The Blackhearts taldea iragarri du Azkena Rock festibalak 2018ko ediziorako, aurtengo polemikaren ondoren.


Publikoaren gustukoa

Orkestra sendo bat, Donostiako publikoak ezagutzen duen zuzendaria, egitarau erakargarria. Den-dena puntu-puntuan Musika Hamabostaldiari hasiera emateko. BBC Philharmonic Orchestrak ibilbide potentea dauka,  honi gehitzen badiogu gure Juanjo Mena zuzendari gasteiztarra zuzendari titularra dela 2011. urteaz geroztik, normala da jendez gainezka egotea Kursaal Auditorioa bi saioetan (batez ere bigarrenean). Emaitza, ona, besterik gabe.

Inpresio izugarria eman zuten lehenengo egunean,... [+]


2017-09-01 | Antxeta Irratia
"Konfiantza giroan kontzertu bat ematea polita izan daiteke"

Etxeko egongelan kontzertuez gozatzeko aukera ematen du Eneritz Furyak. Diska berriaren aurkezpenarekin otu zitzaion kontzertuak eskaintzeko ideia. Halako kontzertu bat nola antolatzen den azaltzeko, Antxeta Irratian izan da.


2017-08-02 | Hatortxu Rock
Zorionak bai, baina lan handia dugu aurretik!

Ahaztezina izango zela esan genuen, eta ahaztezina egin dugu. Denon artean egingo genuela esan genuen eta denon artean egin dugu. Etxerako bidea eraikiko genuela esan dugu eta etxerako bidea eraiki dugu. Eta eraikitzen jarraituko dugu. Balorazio oso positiboa egiten dugu hilabeteetako esperientzia honetan. Indarrez eta arrazoiz pilatuta atera gara, lanean jarraitzeko asmoz.


Zarautz, ostalariak eta 'Los 40 summer live'

Turismo masifikatuaz gain, gauza oso gutxi partekatzen dute Ceuta, Marbella, Motril, Manga del Mar Menor, Mallorca, Tossa de Mar eta Zarautzek. Bat  da, bertako agintariek erabaki dutela uda hontarako itzela litzatekeela 40 Principalesen zirkoa herrira ekartzea. Ondo entzun duzu, Zarauzko Udalak eta Zurekin ostalaritza elkarteak sustatuta, 40 Principales irrati katearen ‘Los 40 summer live‘ musika jaialdia egingo da abuztuaren 6an Zarauzko malekoian. Zarauztar eta... [+]


ASTEKARIA
Azkenak
EGILEA
Eguneraketa berriak daude