Sare sozialak

30.000 esker

Itsaso Zubiria Etxeberria @itsasozubiria
2017ko ekainaren 18a

Sare sozialek markatzen diguten egunerokotasuneko abiadura bezain bizian doaz ARGIAko sare sozialetako jarraitzaileen kopuruak gora. 30.000ra iritsi gara asteotan Twitterren. Eta lerro hauetan ospakizun txikia egiteko eskatu didate.

Aitzakia hori hartu dugu ARGIAk mundu honetan dituen mugimenduei erreparatzeko. Zein momentutan erabakitzen du hedabide honek sare sozialen zurrunbilo geroz eta indartsuago honetan muturra sartzea? Euskal hedabideen artean lehenengotakoa izan zen etxe hau mundu birtual horretan proba egiten. Zergatik? Batez ere galtzeko gutxi eta irabazteko asko zegoela uste zelako, eta aukera ikusten zelako webguneari falta zitzaion bultzadatxoa bide horretatik etortzeko.

Azken datuen arabera ARGIA euskal hedabideek amaraun hauetan betetzen duten espazioen artean oso leku onean agertzen da eta audientziarik handienetakoa du. Mugimendu handia du sarean eta bertxio eta elkarbanatze asko izaten dira batean eta bestean.

Eta Twiterrez aparte?

Facebooken 20.000 jarraitzailera heltzear da komunikabidea, baina Twitterren baino 10.000 lagun gutxiago baditu ere, hemen izaten da saltsarik handiena eta argia.eus webgunera bertatik iristen dira sarrera gehien.

Telegramen berriz, 750 lagun inguru biltzen ditu ARGIAren komunitateak, baina besteekin alderatuta zifra asko jaisten bada ere, kontuan izan behar da Euskal Herriko hedabideetan komunitate handiena daukagula, eta zer esanik ez euskarazko komunitateez hitz egiten badugu. Instagram da eman den azken saltoa, eta 2.000 jarraitzaile inguru biltzen dira hemen.

Sare sozialetarako ARGIAk badu bere estrategia. Kazetari bakoitzak du bere kontu pertsonala eta bertan jorratzen ditu bere intereseko gaiak. Baina horrez gain, ARGIAren kontu guztietarako denok ditugu gakoak eta denon artean ateratzen da aurrera.

Asko hitz egin da, dena dela ere, multinazional batzuen jokoetan ari garela etengabe, eta kontziente izan behar dugula gure materiala ezin dugula beren esku bakarrik utzi. Dena gorde behar dugu. Zer gertatuko litzateke egun batean sareak itxi eta sartzeko ordaindu egin beharko bagenu? Tresna oso eraginkorrak dira informazioa zabaldu eta jasotzeko, baliagarriak gure edukiak zabaltzeko, baina noren eskuetan gauden ahaztu ez dugu egin behar.

Kanal hauetan artxibatua: Komunitatea  |  Sare sozialak

Komunitatea kanaletik interesatuko zaizu...
Gaurkotasunaren "Analisia" Panorama atalaren barruan

Zaharrei entzun diet azken denboretan “mundu hau zoratu zaigu erabat” edo antzeko esaldiren bat. Ez dakit askoz ere aldrebesagoa izango ote den orain, lehen ere imaginatzen baitut zorotik puska bat izango zuela. Baina tira, zail zait eromena neurtzea eta gaurko zoroetxeari nola begiratzen diogun erreparatu nahi diot. Hori egin gura izan duelako ARGIAk ere, besteak beste.

“Panorama” atala da, astekarian, ARGIAk gaurkotasuna aztertzeko erabili ohi duen tresna... [+]


Zoo(i)logikoaren analisia

Gorka Bereziartua Mitxelenak, Boli Gorria bezala ere ezaguna, asteroko bere analisia estreinatu berri du lanera bueltatzearekin batera. Aldizkaria goitik behera zintzo bezain zorrotz errepasatzen duen irakurlearentzat ez naiz ezer berririk kontatzen ariko, dagoeneko ohartuta egongo baita ARGIAko aldaketa guztiez. Dena dela ere, ongi etorria eman nahi diot txoko honetan “Fauna Publikoa” sail berriari.

Marraztu ditu Bereziartuak lehen letrak tinta gorriz kurtso berriko aurrenengo... [+]


Ongi etorri Adur Larrea

Hiru, bi, bat... eta hasi da asteroko martxaren lasterketa! Eta noski, denoi gustatzen zaigu oporretatik bueltako lehen lanegunean nobedadeez enteratzea, ezta irakurle? Pare bat berri behintzat iritsi dira nire belarrietara, eta baten bat poltsikoan gordeko dut hurrengorako, baina lehenengoa ezin isilik gorde eta botako dizut (lehenago ikusi ez baduzu behintzat sorpresa izango da!). Komiki tira berria aurkeztu du ARGIAk ale honekin batera. Adur Larrea da egilea, eta astero astero aldizkari... [+]


2017-07-27 | ARGIA
20.000 gara Facebooken, gonbidatu zure lagunak

Facebooken 20.000 laguneko komunitatea osatu dugu! Oso pozik gaudela jakinarazi nahi dugu, milesker guztioi! Milesker ARGIAren informazioa irakurri eta partekatzen duzuen guztioi. Milesker ARGIAko komunitateko kide guztioi proiektu honi bultzada emateagatik!


Dominoa, liburuak eta Errekaleor

Liburutegitik liburuetara egingo dugu salto gaurkoan, irakurle, zer iruditzen? Titularra leituta harrapatu duzu tiroak nondik doazen? Akaso, horrela, lehen begiratura hiru hitz horiek ez dute lotura handiegirik. Lehengo astean Garesko liburutegi publikoa ARGIAko kide egin dela kontatu nizun, haiekin hitz egin ostean pauso hori emateko euren zergatiak azaldu nizkizun. Baina tira, beti eskatu eta eskatu ibiltzeak ere batzuetan ematen du halakoxe zera bat, ulertuko didazu, ziur nago, nola esango... [+]


Garesko liburutegia ARGIA zalea egin da

Lana erraztuta ematen didate niri. Biderik zailena eginda. Zein erosoa den ondokoak egindako esfortzu guztiari azken ukitu goxoa ematea, bidea leundua denean. “Milesker” hitzarekin elkarrizketa hastea zein samurra den. Tonu horretan hitz egin dut Garesko liburutegi publikoko Eva arduradunarekin. ARGIAko harpidedun egin berri dira.

Harpidedun berri guztiei egiten diedan galdera da, baina, zergatik ARGIA? Bakoitzak ematen ditu oso argudio pertsonalak, pertsonak adina argudio... [+]


Udan astekaririk ez baina...

Abuztua gainean da. Oporrak. Eguraldi ona. Urte osoan zehar apaletan udararako aparkatutako irakurketa guztiak hartu eta lasai lasai leitzeko beta izaten dugun sasoia. Bakoitzak bere txokoan: besaulkian, toalla gainean, tabernako terrazan… Urteak daramatza ARGIAk aldizkarian garai honetarako liburu gomendioak egiten, baina aurten beste irakurketa bat proposatzeko asmoa dugu: Gakoak.

Normalean baino ia urte erdi lehenago dator aurtengoan urtekariaren hariari segika sortutako... [+]


Kanada Euskal Herritik lehen baino gertuago

Euskaldunon arbaso baleazaleek bereak eta bi pasako zituzten Ternuaraino ailegatzeko. Gure aldizkariak astero egiten du ez Ternuarainoko baina bai Torontorainoko bidaia. Aitor Imaz ARGIAzalea han bizi da eta lehen Internet bidez jarraitzen bazuen ARGIA, astekaria jasotzen hasi berri da. Itsasoz bestaldetik nola begiratzen digun jakitea polita litzateke, ezta?

2010eko udazkenean egin zuen Kanadara lehen bidaia hernaniarrak denboraldi bat atzerrian pasatzeko gogoz. Orduz geroztik bizi da... [+]


Jaso ezazu ARGIA gaiez gai

Interneteko ARGIAn ibiltzeko ohitura baduzu konturatuta egongo zara gai bakoitzak bere kanala duela, eta bertan pilatzen direla gai horri lotuta sortzen diren albiste, erreportaje, ikus-entzunezko guztiak. Eta orain arte ez dugu albistea eman nahi izan, baina dagoeneko ahoa ireki dezaket (batez ere martxan baitago) esateko ARGIAk emailez bidaltzen duen bere buletina berritzeaz gain buletin-sistema oso bat jarri duela abian.

ARGIAren betiko buletin orokorraz gain (honen berri eman genuen... [+]


ARGIA ikusten dut bazter guztietan

Ez naiz hain positiboa, irakurle. Bazter guztietan ARGIA ikusten dudala diodanean ez naiz ari dena koloretsu ikusten dudala esaten; ziur harrapatu duzula txistea, horren argia bazara.
    Denoi pasa zaigula esango nuke: orain arte sekula ikusi ez duzun (edo zure buruak aurpegi hori ez du inoiz gogoratzeko betarik hartu) pertsona bat ezagutu eta bat-batean leku guztietan ikusten hasten zara. Horixe gertatzen ari zait niri azken denboran ARGIArekin. Ez dut ezagutu berria, egia da,... [+]


ASTEKARIA
Azkenak
EGILEA
Eguneraketa berriak daude