Marie Faye. Kaleko saltzaileen duintasuna aldarri

"Sistemak erraietan sartzen digu manterooi errudunak garen ustea"

  • Marie Faye (Mbour, Senegal, 1985) Bartzelonako Udalak sustatu duen DiomCoop kooperatibako kide da. 2011n iritsi zen Bartzelonara; helburua unibertsitatean sartzea zuen arren, traba juridikoen ondorioz kaleko salmentan murgildu zen. Orduan ezin imajinatu sei urte geroago kaleko saltzaileen duintasunaren aldeko kooperatiba batean parte hartu eta unibertsitate ikasketak gauzatuko zituela.

Saioa Baleztena @SaioB
2017ko ekainaren 11
“Gizakiok berezkoa dugu epaitzeko joera. Beraz, nahita edo nahi gabe, gu epaitzea ulertzen dut. Onartezina dena da gure errealitatea ezagutu gabe gu kondenatzea”. (Arg.: Jordi Borràs)
“Gizakiok berezkoa dugu epaitzeko joera. Beraz, nahita edo nahi gabe, gu epaitzea ulertzen dut. Onartezina dena da gure errealitatea ezagutu gabe gu kondenatzea”. (Arg.: Jordi Borràs)

Nola iritsi zinen Bartzelonara?

Baimenik gabe etortzen garenok badakigu hasieran familiaren batek hartuko gaituen arren, gero biziraun behar dugula. Hasieran trentzak egiten hasi nintzen, baina laster ikusi nuen ezin nuela horrela jarraitu. Poliziak ez gintuen pertsona modura tratatzen, duintasun falta ikaragarria zen; dirua bilatzeko biluzten gintuzten, gorputz osoa ukitu… Ezin nuen hori jasan. Are gutxiago trentzak egite hutsagatik, horrek ez dio inori kalterik egiten.

Zergatik aukeratu zenuen Europa?

Zintzoa izango naiz: nire kolektiboko kide gehienentzat ez bezala, niretzat Europara etortzea ez zen ametsa. Betidanik jakin izan dut zein ziren hemengo zailtasunak eta argi nuen Senegalen hobeto egongo nintzela. Baina nire ametsa ikastea zen eta nire familiak nahi zuen ni hona etortzea, ikasketak bermatu eta urrun iristeko.

Hemen legea zuen kontra doa.

Jendeak zergak ez ordaintzeagatik epaitzen gaitu baina arazoa da sistema eginda dagoela guk legean tokirik ez izateko. Lanik ez baduzu ezin duzu baimenik izan, eta baimenik gabe ezin duzu lanik lortu. Iritsi nintzenetik nire lehendabiziko erronka egoera juridikoa legeztatzea izan zen. Baina zailtasunak besterik ez nituen aurkitu.

Nola eragiten dute zailtasun horiek zuen kolektiboan?

Sistemak erraietan sartzen digu errudunak garen ustea. Infernua da. Eta baimenik gabe gauden gehienok ez dugunez gure eskubideen berri, kaleko salmentan dauden gehienak ezdeus sentitzen dira. Nik erruduntasun hori sentitu nuen lehendabiziko hilabeteetan, baina segituan konturatu nintzen bidegabea zela, hemengo sistemak ez zidalako baliabiderik ematen egoera aldatzeko.

Sistemaz aparte gizarteak ere mugak jarri dizkizu?

Gizakiok berezkoa dugu epaitzeko joera. Beraz, nahita edo nahi gabe, gu epaitzea ulertzen dut. Onartezina dena da gure errealitatea ezagutu gabe gu kondenatzea. Norbait lapurra bada, nik ezin dut jakin zerk eraman duen halakoa izatera. Edo, ni bezalako neska batek kalean bere gorputza saltzen badu, nik zer dakit zerk eraman duen hori egitera? Bakoitzaren bizitza errespetatu behar da, are gehiago kontuan hartuta gutako gehienak gure baloreekin borrokatzen aritu garela, bizirauteko. Gainera, delitu guztien artean gurea txikiena da, baina sistemak handiena izango balitz bezala tratatzen gaitu. Garai batean Bartzelonako portu inguruan egoten ginen, eta inguruan droga saltzen zuen jendea zegoen. Baina polizia zuzenean etortzen zen gu atxilotzera, droga saltzen zutenez paso eginda.

Azken hilabeteetan bizitza aldatu zaizu. Nola suertatu zitzaizun DiomCoopen sartzeko aukera?

Kohesio sozialaren arloan dabilen Cepaim Fundaziotik deitu zidaten, kooperatiba sortzeko asmoa zegoela jakin zutenean gure kolektiboan zabaldu zutelako albistea. Elkarrizketa-deialdiak egin zituzten eta nik parte hartzea erabaki nuen. Bi elkarrizketaren ondoren kooperatiba osatzen dugun hamabost senegaldarren lehen bilera egin genuen.

Zenbateraino izan da garrantzitsua zuretzat kooperatiba horretako kide izatea?

Erabakigarria izan da, urte askoko sufrimendu guztiaren ondotik argi izpi bat agertu zaigu. Kooperatibak izan nahi du Bartzelonako mantero-en arautzea bermatzeko baliabidea. Horretaz aparte, bilatzen ari gara kaleko salmenta arautzeko aukera, adibidez salmenta legala bermatu dezaketen espazio jakinak zehaztuta. Kooperatibako kide bakoitzak 500 euroko diru-laguntza jasotzen du hilabeteko, kalean saltzen ibili behar ez izateko. Kooperatiba honek eredu izan beharko luke gainontzeko lurraldeetan ere zabaltzeko.

Zein da DiomCoopen lan dinamika?

Kooperatiba osatzen dugunon artean badira paperak dituzten hiru, bestela ezin izango genukeelako elkartea osatu. Oraingoz, salmenta-guneen bila ari gara. Ordu asko dira. Bartzelonako distritu guztiekin lanean ari gara, aukerak zeintzuk diren ikusteko. Taldeko beste kide batzuek formazioa egiten dute, gure lana gizarteratzeko asmoz.

Helburua urtetik urtera kide gehiagok parte hartzea da, ezta?

Bartzelonan 300 mantero gara guztira eta helburua da 2018an hamar lagun gehiagok parte hartzea. Baina horretaz aparte, kooperatiba ahalik eta jende gehienarengana iristeko asmoz jarduera gehiago garatzeko aukerak aztertzen ari gara. Edozein kasutan, dagoeneko zerbait irabazi dugu, kooperatiba honek egin duen gauzarik handiena baita kolektiboak kontzientzia hartzea.

Kooperatibaz aparte ekonomia ikasketetan murgilduta zaude. Nola eragin dizu unibertsitatean sartzeak?

Hiru urtez bulego guztietan ukatu zidaten ikasteko aukera. Azken saiakeran 25 urtetik gorakoei zuzendutako lehiaketa batean parte hartu nuen unibertsitatean sartzeko. Informazio eske joan nintzenean idazkariak sarbidea debekatua nuela esan zidan arren, mirariz, zuzendaria sartu eta baietz, parte hartu nezakeela esan zidan. Beti eskertuko diot; nire amesgaiztoa berari esker bukatu zen. Lehen eskolara joan arte ez nuen sinetsi.

Herri alaia

“Senegaldarra naiz, beltza, emigrantea eta manteroa. Senegalez gauza ilun asko entzun dudan arren, oso herrialde alaia da. Gurasoekin eta nire hamaika anai-arrebekin bizi nintzen, eskuzabaltasuna, lana, zintzotasuna eta legezkotasuna sustatzen zituen familia batean. Falta zitzaigun gauza bakarra dirua zen. Han pozik hartzen dugu mundu zabaletik datorren jendea, izan beltza, zuria, musulmana edo ateoa. Europan, aldiz, kanpotarrei begi txarrez begiratzen digute”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Bazterkeria  |  Migrazioa  |  Bartzelona

Bazterkeria kanaletik interesatuko zaizu...
#M25KoloreBizia

Stop racial segregation oihukatu ahal dute Ipar Karolinako eskoletan, edo Brusela, Paris, London, Sofia, Madril, Girona, Basauri, Atarrabia, Arrasate, Baiona eta Gasteizkoetan. Gure hiriko kasuan guraso etorkinak dituzten umeen %83,1 sare publikoan ari da ikasten, bai eta, baliabide ekonomiko gutxiago duten familia gehienak ere. Badira gaur egun zenbait eskola umeen %100 familia etorkinen umeak dituztenak, eta beste hainbatek bide bera hartu dute. Gasteiz #Whitecapital ez da soilik neguko... [+]


2018-03-16 | Uriola.eus
Etxegabe bati eginiko erasoa salatu dute 200 bat lagunek Bilbon

Hiru gaztek etxegabe bati eginiko erasoa salatu dute 200 bat lagunek Bilbon. Beste Bi plataformak hainbat eskari luzatu dio Bilboko Udalari: gaitzespen mezu zuzen eta sendoa zabal dezala, akusazio partikular bezala bere burua aurkez dezala eta pertsona ahulenen eskubide eta duinatasuna defenda dezala. 


Mikrokredituak bazterketa egoeran daudenentzat, Fiare banku etikoaren bidez

Andoaingo Udalak eta Fiarek sinaturiko hitzarmenari esker, bazterkeria egoeran dauden eta arrisku hori duten herritarrek mikrokredituak eskatu ahal izango dituzte banku etikoan, ohiko bankuek exijitzen dituzten baldintzetatik aske.


2018-01-23 | Andoni Mikelarena
"Auzo segurua, bizitza duen auzoa da", Otxarkoagako auziaz beste ikuspegi bat

Ostegunean Bilboko Otxarkoaga auzoan izandako hilketak, auzoaren segurtasunaren inguruko eztabaida piztu du. Zenbait hedabidek eta pertsonek zabaldu duten ikuspegiarekin ez dago ados Karlos Renedo Otxarkoagako herri mugimenduko kidea.


Assa Traore. Egia azaleratzen
"Anaia hil zen beltza zelako, Adama Traore deitzen zelako, langile auzokoa zelako"

Frantziako poliziaren bortizkeriari buruzko egia itzaletik ateratzea lortu du Parisko hiri inguruan bizi den Assa Traorek, senideak, adiskideak eta aliatuak dituela ondoan. Iazko uztailaren 19an hil zitzaion auzoko jendarmerian Adama anaia. Orduz geroztik, oztopoei aurre eginez, heriotza horri buruzko egia azaleratzen dabil. Baina harago doa: “Borrokan gabiltza duinki bizitzeko eskubidearen alde”.


2017-07-18 | Uriola.eus
Zorrotzako sutearen biktimak diren "familia gatazkatsuei" ostatu ematearen kontrako manifestazioa

Zorrotzako Zazpilandako bizilagunek Ostatu-emate gatazkatsurik ez goiburupean manifestazioa egin zuten asteburuan Bilboko Udalak maiatzeko sutean kaltetuak izan ziren "familia gatazkatsuei" auzoko etxebizitzetan ostatu eman ez diezaien.


Urretxindorra, bazterketa arriskuan dagoen nerabea eta unibertsitarioa elkartzen dituen proiektua

Euskal Herrian denbora gutxi daramatelako, arazo emozionalak edo harremanak garatzeko zailtasunak dituztelako laguntza behar duten atzerritar jatorriko gazteek (10-14 urtekoek) unibertsitateko ikasleekin denbora librea partekatzea da Urretxindorra egitasmoaren helburua.


2017-06-06 | Uriola.eus
Bilboko Udalak autokritikarik ez Zorrotzako sutearen aurrean

Bilboko Hiri Segurtasunerako zinegotziak adierazi du sutearen arrazoiak udal jardunarekin lotzeko frogarik ez dagoela. Horrekin batera, ezbeharra gertatutako etxebizitza erortzeko arriskurik ez zegoela informatu du. Oposizioa irmo agertu da udal gobernuaren kontra.


2017-06-01 | Uriola.eus
Bilboko udaletxea inguratzeko deia egin dute, "auzoen abandonuak hil egiten" duela salatzeko

Bilboko Zorrotzan izandako ezbeherrak herritarrak mugiarazi ditu. Asteazkenean ehunka lagunek bilkura isila egin zuten Zorrotzako Taldeen Kordinakundeak deituta; sare sozialetan ekainaren 2an udaletxea "inguratzera" deitu dute ezezagunek.


2017-05-30 | Uriola.eus
Sutean hildako familia gogoratzeko eta elkartasuna adierazteko manifestazioa deitu dute Bilboko Zorrotza auzoan

Bihar, hilak 31, La Landako hildakoen oroimenez, elkartasuna! lelopean Zorrotzako Taldeen Koordinakundeak manifestazioan parte hartzera deitu ditu bilbotarrak Azoka plazatik Barinaga kaleraino. Sutea piztu zen etxe aurrean emango diote amaiera ekitaldiari. 


ASTEKARIA
Azkenak
EGILEA
Eguneraketa berriak daude