Leku-aldaketa

Barruko harremanak estutzen

  • Ideia bat egin dezazun, irakurle: oporretatik bueltako lehen eguna. Kafe bat hartzeko astirik ere ez duzu izan oraindik jaiegunetako erritmoa aldatu ez duzulako, eta zuzenean zoaz lantokira. Han topatzen duzu guztia lekuz aldatuta, oraindik mailu hots bakan batzuk han eta hemen, ordenagailua non daukazun ere ez dakizula; baina esaten diozu zeure buruari: “bazen garaia hau egitekoa”.

Itsaso Zubiria Etxeberria @itsasozubiria
2017ko maiatzaren 07a

Lan lekuak eta mahaikideak aldatuta heldu diogu apirilari ARGIAn. Erredakzioa, administrariak, komertzialak, diseinatzaileak… lehen sailka banatuta zeuden bezala, nahastu egin gara orain. Lehen bi solairutan banatzen zen lantokia bakarrean kontzentratu da orain gehien bat. Baina zergatik?
    Ziurrenik niri bezala gehienoi kazetariaren figura etorriko zaizue lehen kolpean burura egunkari edo astekari bateko lanaz galdetzean. Eta neurri batean normala, pentsatzen dut, gure eskuetara testu eta sinadurak iristen baitira. Astekari bat ez du, ordea, erredakzioak bakarrik ateratzen aurrera. Komertzialen eta administrarien lanik gabe zer egin? Hanka-oker geratuko litzateke proiektua. Batzuek idatzi egiten dute, informazioa zabaldu, proiektuaren paper publikoagoa jokatzen dute; baina diru iturriak lotzen ere jakin egin behar da, eta hor jokatzen dute partida nagusia beste batzuek. Eta zer egin administraririk gabe? Idazle eta intelektual koadrila honek gutxi daki ehuneko eta nominez! Errealitatean, baina, askotan distantziak sortzen dira lan batzuen eta besteen artean, eta batzuetan aldaketa fisikoak ematea ere garrantzitsua izaten da, betikotzeko arriskua duten muga ikusezin horiek puskatzeko.
    Benetako lan-taldeak horrela sortzen ei dira, hala dio enpresen antolaketan aritzen den zenbaitek. Benetako lan-taldeak diziplina ezberdinetako jendea elkartuta sortzen direla. Eta hori da ARGIAren intentzioa ere, proiektu bera alde diferenteetatik elikatzen dutenak elkartu, nahastu, eta guztion artean tira egitea.
    Lau pareta hauetatik kanporako harremanak zabaldu nahian gureak estutzen goaz.

Kanal honetan artxibatua: Komunitatea

Komunitatea kanaletik interesatuko zaizu...
Makro-jaialdien eredutik ihesi

Zenbat jaialdi berdin (edo oso antzeko) ezagutu ditugu azken urteotan Euskal Herrian? Izenagatik desberdinduko genituzke agian, baina egitarauari eta antolaketari begira zenbat makro-festa ikusi ditugu herri batean eta bestean? Gastatzeko gure ahalmenaz gaindiko dirua genueneko arrastoak izango dira. Aldaketak nabari dira jai ereduan ere, ordea. Horren adibide Euskal Eskola Publiko Berriaren aldeko jaia, eta bertan izango da ARGIA ere.
    Slow bizitzaren filosofiaz hitz... [+]


Ospatzeko bi arrazoi

Zu ere Jakobita erradikal horietakoa bazara, irakurle, goitik behera irakurria izango duzu dagoeneko guruaren aste honetakoa, ziur nago. Baina ba al zenekien Jakoba Errekondoren ARGIAko 1.000. artikulua irakurri berri duzula? 1.000 bai, erraz esaten da. Baina ez hori bakarrik, landareen jakintza sarera eramateko bizibaratzea.eus webgunearen asteroko buletina ere martxan jarri berri dugu.
    Hogei urte daramatza Errekondok ARGIAn landareen inguruko saila osatzen. Ez dira sail... [+]


Araban ospatu eta erdigunera ekarri

ARGIA Gasteizera joatekotan zela kontatu nizun duela hiru bat aste, gogoratzen? Sorpresatxo bat ere emango zuela… Ez pentsa gezurra zenik, egin da Arabako hiriburuan topaketa bertako ARGIAzaleekin, eta Gasteizen ospatuko da aurtengo ARGIA Eguna. Horra sorpresa!
    Jokaldia, ordea, ez da inposatua izan; bertaratutako eragile eta norbanakoei planteatu zaie urteroko zita bihurtzen ari dena 2017an Araban egitea, eta bertan baloratu da bai ala ez, egitekotan non egin,... [+]


2017-04-28 | ARGIA
Bizi Baratzea buletina abiatuz ospatuko dugu Jakoba Errekondoren 1.000. artikulua

Maiatzaren 8tik aurrera, astelehenero, landareen mundua loratuko zaizu e-postan: Aste horretan baratzean egin beharreko lanak, Jakoba Errekondoren artikulua, esperientzia baten berri, Euskal Herriko agenda osoena... Buletina lehen zenbakitik jasotzeko, sartu Bizi Baratzea webgunean edo bizibaratzea@bizibaratzea.eus helbidera mezua idatzi.


Nork ez du ezagutzen argazki hau?

Kuriosoa behar du denda ezezagun bateko erakusleihoan dagoen postalean norbere familiako argazki zaharra ikustea, ezta? Arbasoei XX. mendean ateratako erretratua, etxean horren maitea duzuena… Lontxo Oiartzabali gertatu zaio ez behin eta ez bitan antzeko egoeraren bat bizitzea. Eta galdetuko duzu, irakurle, zertara dator orain familiako argazkien kontu hau? Bada zuk ere ziur asko ezagun izango duzulako lerro hauen gainean ikusten duzun argazkia, ARGIAren argazki mitikoa.
  ... [+]


Argia jendearen ekarpena: Kimutx proiektua

Gurasotasunaz hitz egiteko ez naiz egokiena izango, azal horretan jarri gabekoa bainaiz; baina gurasotasun premietatik abiatutako proiektua da Kimutx, eta badu ARGIArekin lotura berezia. Baina ezagutu ezazu lehenengo proiektua, eta gero kontatuko dizut lotura irakurle. Haurren heziketan egunerokotasunean sortzen diren zailtasunak lantzeko beharra ikusita jarri zen martxan proiektua 2012an, borondatezko lana ardatz.
    Suertatzen diren egoera desberdinak musikatik gozatzearen... [+]


Olatukoopeko kide egin da ARGIA

Ikusten al duzu goiko irudian xelebre koadrila hori, irakurle? Indar bereziak batzen ari omen dira, hala aldarrikatzen dute bilera bakoitzaren bukaeran, eta lotsa gutxirekin sare sozialetan zabaltzen dute argazkia gainera. OlatuKoopekoak dira, bai. Eta ARGIA kide egin da, bai. Beraz, hurrengo batean beti horren gai sakon eta serioak lantzen dituzten ARGIAko kazetariren bat hor tartean ikusten baduzu, ez harritu; sektara gehitu direlako da.
    Onartu beharra diegu, baina,... [+]


Oraingoan Ipar Euskal Herrira garaiz iritsi gara

EXTRA! EXTRA! Ipar Euskal Herriko ARGIA-jendeari astekaria larunbaterako iristea lortu dugu! Bai, Euskal Herriaren zilborra garela pentsatzen dugun hegoaldekoon buruetan berandu izango da, seguru: “Guk asteazken-ostegunetan postontzian izaten dugu-eta...” etorri zaizu burura irakurle, zure gipuzkoarzentrismoa azaleratuz. Baina kontutan hartzen badugu lehen bi asteko edo gehiagoko atzerapenarekin ailegatzen zirela aleak Xilabara (Xibero, Lapurdi, Baxenafarroara), hau garaipen bat da.[+]


Grabatzea ez da delitua

Polizia grabatzeko deia egin ez digute ba oraingoan... Bulegoren batean imajinatzen dut dagoeneko norbait: “ARGIAko hauek konfliktibo xamarrak dira, eta noski, gero laguntzak jasotzean kexatu egingo dira”. Tira, oraingoan ez dira ARGIAkoak bakarrik, tartean dira Topatu, Ahotsa.info, Hala Bedi eta Ekinklik hedabideak eta Eleak/Libre mugimenduarekin elkarlanean. ‘Grabatzea ez da delitua’ bideo erreportaje sorta hasiak dira publikatzen.
    Bidea estutzen ari... [+]


Ezagutzen al dugu gure blog komunitatea?

Blogetan! lehiaketaren berri eman genizuen txoko honetan orain aste batzuk. Azkue Fundazioak antolatutako ekimenean laguntzaile dabil ARGIA, eta euskarazko blog komunitatean kultura, gizartea eta politika, aisialdia, eta zientzia eta teknologia arloetan banatuta idazten diren blog onenak saritu nahi dira. Sarean ere euskaraz bizi gaitezke eta hau bada seinalea.
    Lehiaketa hutsa izan ez dadin, baina, Azkue Fundazioak aurtengo edizioan inkesta bat ere jarri du martxan. Ezagutu... [+]


ASTEKARIA
Azkenak
EGILEA
Eguneraketa berriak daude