Mikel Telleria

Hedabideen izaeraz galdezka

Xabier Gantzarain @gantzarain
2017ko apirilak 16
argazki-oinak (2014). Neurri aldakorrak.

XX. mendeko arteak irudikapenaren txakur ametsa hankaz gora bota zuen era berean, kazetaritzaren objektibotasuna baino, hedabideen ustezko funtzioa bera auzitan jartzen ari da aspaldian Mikel Telleria Aguado (Tolosa, 1975eko uztailaren 20a), errealitatea eta hedabideak aurrez aurre jarriz, ikuslea kolpean harrapatzen duten lan garbi eta zuzenekin.

Prentsa idatzia du gehienetan langai, edizio digitala sarri, seguru asko, bere adineko gizon eta emakume askok bezala, horixe izango duelako “informazio iturri” ohikoena. Artistaren begirada arroztasunak hartua du ordea, ez da bakarrik, ez da batez ere hedabideek zer kontatzen duten, baizik eta nola, batez ere nola.

Hedabideen ezaugarriak baliatzen ditu bere lanetan: serieka egiten du lana normalean, esate baterako, eta batzuetan serie horiek egunero elikatzen ditu, Klikak seriean bezala; 2011n hasita, prentsa idatziaren edizio digitaletan klikatzen zituen goiburuak gordetzen joan zen, egun bakoitzekoak orrialde batean. Goiburuz betetako orrialde hori neurri handian inprimatu eta galeriako paretan jarri zuen behin, egunero berrituz egunean eguneko titularrekin. Urtebetekoak gordetzen zituen urtekari moduko bat ere egin zuen ordea.

Behin eta berriz jorratu duen gaia da kazetaritzan (eta errealitatearen ustezko irudikapen horretan) argazkiak betetzen duen paperarena. Izurrak seriean prentsatik argazkiak hartu eta toleste sinple batekin irudiak erabat aldatu zituen; Paisaiak seriean mendian egindako argazkien gainean prentsatik hartutako goiburuak paratu zituen, batak bestearekin inongo loturarik ez zutenak; Argazki oinak seriean berriz bere galdera muturreraino eraman zuen, eta argazkia ezabatu: desagertu egin da argazkia eta oinak eusten dio irudiari, hitzak egiten du.

Kanal hauetan artxibatua: Artea  |  Hedabideak

Artea kanaletik interesatuko zaizu...
Barrutik eta kanpotik eraldatzen

Errekaleor barrutik ezezik kanpotik ere biziberritzeko bidean, pasa den astean bi ekarpen ikusgarri jaso dituzte Italiatik: Blu kale-artista ezagunaren muralak; Boloniatik Errekaleorrera etorrita, elkartasuna eta babesa eskaini dizkie artearen bitartez.


2017-07-23 | Xabier Gantzarain
Norbera izatearen jolasa

Pintoretzat du bere burua: “Pintorea naiz edo, behintzat, pintorearen ikuspuntuarekin egiten dut lan. Ikusteko modu batez ari naiz, eta hori ez da inoiz aldatzen, nahiz eta beste diziplina batzuetan aritu. Nik gauza ezberdinak egin ditzaket, baina ikuspuntua beti da berdina”. Alta, egin izan ditu, egiten ditu eskulturak ere, eta azken aldian bien tarteko lan hauekin dabil Manu Muniategiandikoetxea Markiegi (Bergara, 1966).

Institututik korrika joaten zela pintatzera, kontatzen... [+]


2017-07-18 | Hiruka .eus
Globalizazioaren ondorioak erakutsiko ditu Getxophotok

Datorren abuztuaren 30ean abiatuko da Getxophoto, izendapen berri bategaz: Nazioarteko Irudiaren Jaialdia izango da. Argazki-erakusketa, ibilbideak, laborategiak, jarduerak eta narrazio berriak urriaren 1era arte gozatu ahal izango dira, "Trantsizioak" goiburu pean.


2017-07-14 | Jon Torner Zabala
Zertan ariko lirateke Disney-ren pertsonaiak XXI. mendean?

Disney-ren pertsonaiak gaur egun zertan ariko liratekeen irudikatu du Tom Ward diseinatzaile britainiarrak, Instagramen zintzilikatu dituen ilustrazioen bitartez. "Artea tresna indartsua da emozio eta esperientziak trukatu eta jendea hausnartzera bultzatzeko", azaldu du Huffington Post egunkarian.


2017-07-13 | Axier Lopez
Italiako Blu artista ezagunak bi mural egin ditu Errekaleorren

Mundu osoko hainbat hiritan ikus daitezke Blu-ren lanak. Ez da kasualitatea Gasteizko Udal Gobernuak (EAJ eta PSE-EE) eraitsi nahi dituen hormak aukeratu izana bere azken lanerako.


2017-07-02 | Xabier Gantzarain
Abangoardia halako bat

Aita zuen Mutrikukoa, farozain bidali zuten Kantabriara, han jaio zen Francisco Iturrino Gonzalez (Santander, Espainia, 1864ko irailaren 9a - Cagnes-sur-Mer, Frantzia, 1924ko ekainaren 20a). Bilbon bizi izan zen oso gaztetatik. Gerora mundua izango zuen bizitoki, bizigarri, bizibide.

Liegen egin zituen ingeniaritza ikasketak, Belgikan, familiak hala nahita, eta 1895ean iritsi zen Parisera. Emaztea haurdun duela, pintore izatea erabakita. Hor dago, normala da, Notre Dame da liluratzen duena,... [+]


2017-06-18 | Xabier Gantzarain
Argazki bidezko eskultura

Euskal Herriko artista gehienei gertatu ohi zaien bezala, mundu zabaleko museo eta galerietan bueltaka ibiliagatik, bertan ez da oso ezaguna Naia del Castillo Aira (Bilbo, 1975eko uztailaren 17a). 2002an Okzitaniako Tolosan egiten den Le Printemps de Septembre festibalaren katalogoko azalerako bere lana hautatu zuten, Bulego orduak, eta Le Monde egunkarian atera zen gero. “Harrapatuta” sailekoa da, Espazio domestikoa - Etxeko lanak hau bezala.

Zu eta ni gaude egunerokotasunak... [+]

2017-06-18 | Irati Elorrieta
Gure aurpegiei buruz

Badator semea telefono batekin, eta bere argazkiak erakusten dizkit: nerabe gisa izango duen aurpegiarekin, aitona gisa izango duenarekin, neska balitz izango lukeenarekin. FaceApp deitzen da aplikazioa. Pantaila ukituz ematen ditu aukera ezberdinak. Erretratu robotenak bezain artifizialak. Errealitatean existitzen ez direnak. Mamu-aurpegiak. Niri ikara sortu didatenak, eta berari, barregura.

Zer esan semeari nire ezinegona azaltzeko? Beharbada ez dela inoiz aitona izatera helduko? Ezin dela... [+]


2017-06-04 | Xabier Gantzarain
Irudien berezko indarra

Aurtengo martxoan Oier Aranzabalek ZuZeurako egin zion elkarrizketan, artistak hauxe zioen: “Irudiz inguratuta gauden garaiotan, ez dut uste irudiak irakurtzeko gai garenik”. Bere lanekin antzera gertatzen da: ikuslea heldulekurik gabe uzten amorratua da Alain Urrutia (Bilbo, 1981eko urriaren 29a).

Bere hitzetan: “Aurretik existitzen diren irudien irakurketa berriak bilatzen ditut. Honetarako euren errealitatea berreraiki eta berezkoa duten istorioa eta narrazio bat... [+]


2017-05-29 | 52 milimetro
Ramadan Munduan zehar

National Geographic aldizkariko 2017ko Bidaia Argazkilaritza Sariak  izan dira berriro ere, eta bertan izugarrizko artelanak aurki ditzakegu. Oso zaila litzateke guztien artean bat aukeratzea, baina Ramadam-aren hasierarekin hau hautatu dugu asteko laburpenaren protagonista bezala.


ASTEKARIA Azkenak
EGILEA
Eguneraketa berriak daude